"Azexport" Türkiyə platforması ilə əməkdaşlıq edəcək

06-12-2021 / 17:25

Azərbaycanın Azexport.az portalı Türkiyənin “Tradeatlas” (tradeatlas.com) platforması ilə əməkdaşlığa başlayır.

Xeberler.az məlumat verir ki, tərəflər arasında “Tradeatlas” platformasından istifadəyə xüsusi endirim tətbiq olunmasına, həmçinin bir sıra istiqamətlər üzrə seminarların təşkilinə dair razılıq əldə olunub.

Seminarlar əsasən e-ticarət platformasının yaradılmasını, ixrac olunacaq ölkədə HS kodundan (gömrük kodu) istifadə etməklə müştərilərin tapılmasını, rəqəmsal marketinqin təşkili qaydalarını, datadan səmərəli istifadə və ixrac təkliflərinin hazırlanması kimi mövzuları əhatə edəcək.

Qeyd edək ki, “Tradeatlas” dünyanın 150-dən çox ölkəsindən olmaqla 1,7 mlrd. gömrük bəyannaməsinə əsaslanan data arasında axtarış etmək imkanı təqdim edir. Bu imkanla maraqlı olan məhsulun hansı ölkədə, hansı şirkət tərəfindən daha çox idxal olunduğunu müəyyən etmək mümkündür.

“Tradeatlas” platformasında HS kodu, ixracatçı, idxalçı, məhsul, brend adı kimi parametrlər üzrə axtarış etmək olar.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.