Aztelekom da qaynar-xətt yaratdı

13-10-2010 / 21:50

Rabitə və İnformasiya Texnologiyaları Nazirliyinin (RİTN) “Aztelekom” İstehsalat Birliyində “qaynar xətt” yaradıb. Nazirliyin mətbuat xidmətindən verilən məlumata görə, 24 saat fasiləsiz rejimdə respublikanın bütün bölgələrində vətəndaşlara ödənişsiz xidmət göstərəcək “qaynar xəttə” 012 122 saylı nömrə ilə zəng etmək olar.

Sözügedən xidmətin yaradılmasının başlıca məqsədi \\\"Aztelekom\\\" İstehsalat Birliyində göstərilən rabitə xidmətlərinin keyfiyyəti barədə rəy və təkliflərin, eləcə də istifadəçilərin İB-nin xidmətlərindən yararlanarkən qarşılaşdıqları müxtəlif problemlər (telefon çəkilişi, telefonların işləməməsi, internetə qoşulma zamanı çətinliklər və s.) haqqında məlumatın operativ çatdırılmasını təmin etməkdir.

Qeyd edək ki, “qaynar xətt” “Aztelekom” tərəfindən regionlarda yeni nəsil informasiya-kommunikasiya texnologiyalarının tətbiqinin sürətləndirilməsi, bu sahədə dünya miqyasında qazanılmış ən son nailiyyətlərin ucqarlarda da kütləvi istifadəsinə şərait yaradılması istiqamətində həyata keçirdiyi prioritet tədbirlər çərçivəsində yaradılıb.

Bundan əlavə, qeyd olunan nömrəyə zəng etməklə yanaşı, xüsusi olaraq vətəndaşların müraciətlərinin qəbulu üçün həmçinin [email protected] elektron poçtu da fəaliyyət göstərir.

mənbə ANSPRESS


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.