E - HÖKUMƏT

Məlumat verdiyimiz kimi, ölkədə dil məsələləri ilə bağlı Qaynar xətt sistemi yaradılması istiqamətində işlər davam edir.

Dünən də məlumat verdiyimiz kimi, Qaynar xətt xidməti artıq sınaq  fəaliyyətinə başlayıb.

Qeyd edilmişdi ki, Qaynar Xətt yeddi rəqəmli və avtomatik sistemdir . Xidmətin  nömrəsi 012 538 06 37-dir, sistem 24 saat fasiləsiz işləyir.

Lakin dünən Rabitə və Yüksək Texnologiyalar Nazirliyinin təklifi ilə yeddi rəqəmli nömrə1657 qısa nömrəsi ilə əvəz olunub.

Xatırladaq ki, xidmətin nömrəsinin qısa nömrə olmaması problemini  Xeberler.az olaraq diqqətdə saxlayırdıq. Ekspertlər də bildirmişdi ki, yeni yaranan xidmətin uzun nömrələrdən təşkil olunması doğru deyil.

Belə ki, nazirliyin müdaxiləsi ilə bu problemə də son qoyulub.  Artıq yeni xidmət qısa nömrə- 1657 ilə fəaliyyət göstərəcək.

24 saat ərzində fasiləsiz fəaliyyət göstərən 1657 nömrəli Qaynar xətt-lə bağlı bütün texniki məsələləri RYTN-in mütəxəssisləri, proqram mühəndisləri həll edəcək. Eyni zamanda, instituta bu xidmətləri göstərmək üçün kompüter dəsti də təqdim olunub.

Qısa vaxtda sınaq zənglərinin qəbuluna başlanılacaq. Sınaq zəngləri təxminən martın əvvəllərinə qədər davam edəcək. Bu müddət ərzində dilçi mütəxəssislər irad və təklifləri qeydə alacaq, sualları cavablandıracaq.

Bu fəaliyyət  Prezident İlham Əliyevin 2013-cü il 9 aprel tarixli Sərəncamı ilə “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı” a əsasən həyata keçirilir. Məhz bu Proqramda dilçiliyin inkişafı və ölkədə dildən istifadənin inkişaf etdirilməsi ilə bağlı mühüm əhəmiyyətli məsələlər öz əksini tapıb.

 Məltəm Talıbzadə