Bakcell-ə də yerli mütəxəssis rəhbərlik edəcək?

25-01-2016 / 11:31

Bakcell şirkətinin baş icraçı direktoru Riçard Şirer  bu il Azərbaycandakı fəaliyyətini dayandırmaq niyyətindədir.

Xeberler.az-ın  İKT sektorundakı mənbədən əldə etdiyi məlumata görə, Riçard Şirer bu il Bakcell-dəki vəzifəsinin icrasını dayandırıb, Azərbaycanı tərk etməyə hazırlaşır.

Məlumatımıza görə, o, artıq xarici şirkətdən iş təklifi də alıb.

Xeberler.az olaraq məsələni Bakcell şirkəti ilə dəqiqləşdirdik.

Şirkətdən verilən məlumata görə, əslində bu ilin aprel ayında Riçard Şirerin müqaviləsinin vaxtı bitir.

Bakcell-dən bildirilib ki, hazırda bununla bağlı rəsmi məlumat yoxdur. Onlar da Riçard Şirerin gedib-getməyəcəyi haqda dəqiq məlumat bilmir.

Qeyd edilib ki, əslində baş direktorun Azərbaycandakı fəaliyyəti ilə bağlı müqavilə çoxdan bitib. Sadəcə onun Bakcell-dəki fəaliyyətindən getməsi həmişə uzadılıb. Belə ki, müqavilənin müddəti hər ilin aprel ayına qədərdir. Riçard Şirerə də  yaxşı fəaliyyətinə görə Azərbaycandakı fəaliyyətini dayandırmağa icazə verilməyib. O da müqaviləsinin vaxtını uzadıb.

Lakin əldə etdiyimiz məlumata görə, ölkədəki iqtisadi vəziyyətə görə Riçard Şirer bu il müqaviləsinin müddətini uzatmayacaq.

Bakcell-dən verilən məlumata görə isə Riçard Şirer hələ aprel ayına qədər Azərbaycandadır.

Riçard Şirer 2011-ci ilin aprelində Bakcell şirkətinin Baş icraçı direktoru vəzifəsinə təyin edilib. Bundan əvvəl o, dünyanın bir çox tanınmış telekommunikasiya şirkətlərində müxtəlif rəhbər vəzifələrdə çalışıb. 

Əldə etdiyimiz digər məlumatda isə Azərbaycandakı mobil operator rəhbərlənin hamsının yerli  şəxslərdən təyin ediləcəyi deyilir. Qeyd edilib ki,  bu, Nar mobil operatorunda da belə olacaq. Yəni, ehtimallara görə, Nar-ın  baş direktoru Kent Maknili də vəzifəsindən gedə bilər.

Hər halda hazırda bu haqda dəqiq nəsə demə çətin olardı. Amma şirkətlərə yaxın mənbələrdən deyilənlər və ölkədəki hazırki vəziyyət bunların real olacağını göstərir.

Xatırladırıq ki, Azercell şirkətinə də uzun illər xarici mütəxəssis rəhbərlik edib. Lakin bir müddət öncə bu şirkətə prezident olaraq  yerli mütəxəssis, uzun müddət bu şirkətdə çalışan Vahid Mürsəliyev təyin edilib.

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.