Bakıda ifadə və media azadlığına dair təqdimat olacaq

28-09-2015 / 16:26

Sentyabrın 29-da Bakıda Avropa İttifaqı və Avropa Şurasının dəstəklədiyi “İfadə Azadlığı və Media Azadlığı layihəsi”nin təqdimat mərasimi və layihə çərçivəsində informasiya əldə edilməsi mövzusunda dəyirmi masa keçiriləcək. 

Xeberler.az-ın məlumatına görə, tədbir JW Marriott Abşeron Bakı oteldə baş tutacaq.

Tədbirdə Avropa Şurasının Azərbaycandakı rəsmisi Draqana Filipoviç, Azərbaycan Mətbuat Şurasının Əflatun Amaşov, Azərbaycan Respublikasının İnsan Hüquqları üzrə Müvəkkilinin (Ombudsmanın) Aparatının rəhbəri Aydın Səfixanlı, proqram rəhbəri Leyla Marşania və digər mütəxəssislər çıxış edəcək. Tədbirdə jurnalistlərin də iştirakı gözlənilir.

Dəyirmi masa Əflatun Amaşovun moderatorluğu ilə keçiriləcək.

Dəyirmi masa iki hissədən ibarət olacaq. 1-ci hisssədə “Azərbaycanda informasiya əldə etmək: qanunvericilik və təcrübə”, ikinci hissədə isə “İnformasiya əldə etmək sahəsində Avropa Şurası və Avropa standartları” mövzusu ətrafında çıxışlar olacaq.

 

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə