“Sosial servislərin tədris prosesində rolu” mövzusunda Dəyirmi Masa keçiriləcək
04-04-2012
12:21
Multimedia Mərkəzi 05 aprel 2012-ci il tarixdə “Sosial servislərin tədris prosesində rolu” mövzusunda Dəyirmi Masa təşkil edəcək. Dəyirmi Masa “Sosial servislərin pedaqoji imkanlarından effektiv istifadə mexanizmlərinin hazırlanması və İKT- dən istifadə edən müəllimlərin peşəkarlığının artırılmasına dəstək” Layihəsi çərçivəsində keçirilir.
Dəyirmi Masanın keçirilməsində əsas məqsəd sosial media alətlərindən, İnternet texnologiyalardan təhsil məqsədləri üçün effektiv istifadə mexanizmlərinin hazırlaması, informasiyalaşma prosesinə metodiki-informasiya dəstəyinin göstərilməsi ətrafında müzakirələr təşkil etməkdir.
Dəyirmi Masada Sosial servislərin tədris prosesində effektiv istifadəsi, müəllimlər üçün sosial servislər və şəbəkə cəmiyyətləri ilə bağlı Təqdimatlar olacaq . Layihə çərçivəsində həyata keçiriləcək tədbirlər haqqında məlumatlar veriləcək.
Multimedia Mərkəzi bildirir ki, Layihə Təhsil sisteminin informasiyalaşdırılması idarəsi və “Elektron məktəb” Layihəsinə qoşulan təhsil müəssisələri ilə əməkdaşlıq şəraitində gerçəkləşəcək.
Dəyirmi Masada təhsil müəssisələrinin, müvafiq dövlət qurumlarının, Vətəndaş Cəmiyyəti subyektlərinin və beynəlxalq qurumların nümayəndələrinin iştirakı nəzərdə tutulur.
xeberler.az/Günel
