Parlament seçkilərində jurnalistlərin maarifləndirilməsinə dair kitablar çap edilib

18-09-2010 / 03:20

Azərbaycanda keçiriləcək Parlament seçkisində jurnalistlərin maarifləndirilməsinə dair kitablar çap edilib.

Bu gün Mətbuat Şurasında Avropa Şurasının Azərbaycan nümayəndəliyi ilə birgə əməkdaşlığı çərçivəsində nəşr edilən "Media və seçkilər", "Seçkilərin ədalətli və balanslı işıqlandırılması" adlı kitabçaların təqdimatı keçirilib.

Bu kitablarda peşəkar jurnalistlərin hüquqları kimi müəyyən öhdəlikləri var.

Tədbirdə çıxış edən Mətbuat Şurasının sədri Əflatun Amaşov bildirib ki, seçkilər hər bir xalq, millət üçün taleyüklü məsələlərdəndir. Proses zamanı hər bir vətəndaş qrupunun üzərinə məsuliyyət düşür. Medianın və jurnalistlərin üzərinə düşən məsuliyyət isə xüsusilə böyükdür. Onlar seçkinin gedişi, namizədlərin platformaları barədə cəmiyyəti operativ və obyektiv işıqlandırmalı, tərəfsiz olmalıdırlar.

Avropa Şurasının Azərbaycandakı xüsusi nümayəndəsi Veronika Kotek kitabların nəşrinin Azərbaycanda noyabrda baş tutacaq Parlament seçkisinə dəstək üçün Avropa Şurasının Fəaliyyət Planı çərçivəsində reallaşdırıldığını deyib.

Əsas öhdəliklər kimi ədalətlilik, qərəzsizlik və tərəfsizlik Avropa Şurasının nümayəndəsi tərəfindən önə çəkildi. Medianın cəmiyyətdəki yeri və roluna toxunan xanım Kotek bu rolun özünü xüsusilə seçkilər zamanı göstərdiyini vurğulayıb.

Azərbaycanda parlament seçkiləri 7 noyabr 2010-cu il tarixinə təyin edilib. Bundanəvvəlki seçkilər 2005-ci ilin noyabr ayında keçirilib. Azərbaycanda Parlament seçkiləri majoritar sistem üzrə 125 seçki dairəsində aparılır. Sentyabrın 3-də seçkilərə rəsmi start verilib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.