Bakıda ənənəvi və onlayn media müzakirə edilib

17-07-2012 / 18:10
Bu gün Park İnn otelində yerli və beynəlxalq mütəxəssislərin iştirakı ilə “Ənənəvi KİV-dən Onlayn mediaya” mövzusunda keçirilən konfransda bu sahədə beynəlxalq standartlar, aktual problemlər, onlayn azadlığı ilə bağlı qanunvericilik bazası, islahatlar, internet idarəetmə imkanları, sosial media və  sosial şəbəkələr diqqət mərkəzində olub.

    Forum Avropa İttifaqı və Avropa Şurasının birgə proqramı, Azərbaycan Mətbuat Şurasının tərəfdaşlığı, eləcə də ATƏT-in Bakı ofisinin və Böyük Britaniyanın Azərbaycandakı səfirliyinin dəstəyi ilə təşkil olunub.

    Azərbaycanda onlayn media ənənəvi medianın bazasında yaranır. “Ölkədə KİV-lərin internet səhifələrində onlayn sistemi fəaliyyətdədir. Media xəbərləri onlayn sistemi ilə video, audio və yazı şəklində cəmiyyətə çatdırmaq imkanlarına malikdir”, - deyə Mətbuat Şurasının sədri Əflatun Amaşov qeyd edib. 

    O, KİV-lərlə bağlı statistik rəqəmlərə də müraciət edib. “Hazırda ölkədə 40 qəzet  gündəlik, 200 qəzet həftəlik  dərc olunur, ölkə ərazisində yayımlanan 9 televiziya, 14 regional televiziya var, Əhalinin orta hesabla internetdən istifadə imkanına malikdir. Əhalinin 35 faizi isə genişzolaqlı sürətli internetdən istifadə edir. 20 internet teleradio fəaliyyətdədir. Hazırda qeyri-rəsmi məlumatlara görə, 1 milyon Facebook istifadəçisi və 2000  bloq var. gün ərzində bir milyon insan məlumatları onlayn mediadan alır”, - Mətbuat Şurasının sədri bildirib.

    Beynəlxalq təşkilatların təmsilçilərinin çıxışlarında isə əsas xətt onlayn mediasının fundamental azadlıların inkişafında rolu, Azərbaycanda Prezident Adminstasiyası ilə vətəndaş cəmiyyəti və  media arasında başlanan dialoq olub. “Prezident Administrasiya ilə vətəndaş cəmiyyəti və media arasında bu yaxınlarda başlanmış dialoq çox vacibdir. Bu konfrans həm də dialoqun davamıdır. Biz dialoqun davam etdirilməsini dəstəkləyirik”, - deyə ATƏT-in Bakı ofisinin rəhəbri Koray Tarqay. Avropa Şurasının Bakı ofisinin rəhbəri Konstantin Yerokostotpulos, Böyük Britaniyanın Azərbaycandakı səfiri Peter Bateman və Avropa İttifaqının nümayəndəliyinin siyasi məsələlər üzrə müşaviri Andrey Valentinov  çıxışlarında bu sözlərə istinad edib.

   Çıxışlarda həmçinin ənənəvi media ilə onlayn mediasının birlikdə inkişafının vacibliyi qeyd edilib. “İfadə və media azadlığının məhdudlaşdırılmasına yönələn müdaxilələr olmamalıdır. İnternet və onlayn sistemi media mühitini dəyişib və bəzi təhlükələr də yaradır. Bütün bunlara baxmayaraq həm ənənəvi, həm də onlayn mediası ifadə azadlığını artırır, hər bir şəxsin fikrini azad ifadə etmək imkanları yaradır. Bu səbəbdən ənənəvi media ilə onlayn mediası bir yerdə inkişaf etdirilməlidir”, - deyə Avropa İttifaqının Azərbaycan ofisinin siyasi məsələlər üzrə müşaviri Andrey Valentinov qeyd edib.   

    Böyük Britaniyanın səfiri Peter Bateman demokratik dövlətlərdə azadlıqların inkişafını vacib sayır. “İnternet dünyada sərhədləri götürüb. Artıq insanların sərhədlər daxilində deyil, ümumi fikirlər ətrafında birləşməsi aktuallaşıb”.

    Azərbaycan Prezident Administrasiyasının ictimai-siyasi şöbəsinin müdir müavini Ərəstun Mehdiyev Azərbaycan gələcəyini azad, plüralist, peşəkar mediasız təsəvvür etmir. “Bu səbəbdən də hökumət ənənəvi media ilə yanaşı onlayn mediasını dəstəkləməkdə davam edəcək”.

    O, eyni zamanda, hökumət qurumlarının informasiyalarının operativ şəkildə medialara çatdırılması sahəsində yeniliklərin olacağını diqqətə çatdırıb.

    ATƏT və Avropa Şurasının Bakı ofislərinin rəhbərləri onlayn mediası sahəsində Azərbaycanda layihələri  davam etdiriləcəyini bildirib.

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə