Bərdədə sahibkarlara lisenziyalar verilib

23-11-2015 / 17:03

Azərbaycan Respublikası Prezidentinin 2015-ci il 19 oktyabr tarixli “Sahibkarlıq fəaliyyətinin xüsusi razılıq (lisenziya) tələb olunan növlərinin sayının azaldılması, xüsusi razılıq (lisenziya) verilməsi prosedurlarının sadələşdirilməsi və şəffaflığının təmin edilməsi haqqında” Fərmanına uyğun olaraq İqtisadiyyat və Sənaye Nazirliyi tərəfindən Bakı şəhərində və ölkənin bölgələrində ASAN xidmət mərkəzi vasitəsilə lisenziyaların verilməsi davam etdirilir.

Xeberler.az bildirir ki, noyabrın 23-də İqtisadiyyat və Sənaye Nazirliyi tərəfindən Bərdədəki ASAN xidmət mərkəzində baytarlıq preparatlarının, etil (yeyinti) spirtinin və alkoqollu içkilərin, tütün məmulatlarının satışı, qiymətli metalların və qiymətli daşların emalı və istifadəsi, avtomobil nəqliyyatı ilə şəhərlərarası (rayonlararası) müntəzəm sərnişin daşımaları sahəsində fəaliyyət göstərən sahibkarlara lisenziyalar təqdim edilib.

Xüsusi razılığın (lisenziya) alınması üçün müraciətlərinə qısa müddət ərzində baxılması, lisenziyaların ASAN xidmət mərkəzləri vasitəsilə verilməsi, inzibati prosedurların sadələşdirilməsi, şəffaflığın təmin olunmasından razılıq edən sahibkarlar yaradılmış şəraitə, göstərilən diqqət və qayğıya görə dövlətimizin başçısına minnətdarlıqlarını bildiriblər.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.