BRİTANİYA ŞİRKƏTİ DƏ ƏRAZİLƏRİMİZİ TƏHRİF EDİB

29-08-2010 / 00:39

Azərbaycanın neft layihələrində iştirak edən və ölkədə fəaliyyətini genişləndirmək niyyətində olan Böyük Britaniyanın "WOOD GROUP" şirkətinin rəsmi saytında ölkəmizin ərazi bütövlüyü təhrif olunub.
Şirkətin biznes qurduğu ölkələrin siyahısının əks olunduğu xəritənin Middle East bölməsində Naxçıvan Muxtar Respublikası Ermənistan ərazisi kimi göstərilib. Təhrif olunmuş xəritə (http://portal.woodgroup.com/portal/page?_pageid=0,1874563&_dad=portal30&_schema=PORTAL30) linkində yerləşdirilib.

Qeyd edək ki, bu ilk belə hal deyil. “British Airways” aviaşirkətinin rəsmi internet səhifəsində Azərbaycana qarşı hörmətsizlik edilib. Britaniya şirkəti Londondan uçuşların hansı istiqamətlərdə olduğunu göstərən xəritədə Azərbaycan ərazisini təhrif edib və ölkəmizin adını ümumiyyətlə xəritədə qeyd etməyib. Belə ki, uçuş istiqamətləri göstərilən “Yaxın Şərq və Cənubi Asiya” xəritəsində Azərbaycanın tərkib hissəsi olan Naxçıvan Muxtar Respublikasının ərazisi Ermənistan ərazisi kimi göstərilib. Bundan əlavə, regiondakı bütün ölkələr öz adları ilə göstərilsə də, Azərbaycanın adı xəritədə göstərilməyib.

MƏNBƏ: XEZERXEBER.COM


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə