TƏDBİRLƏR

“Delta Telecom” şirkəti iyun ayının 15-də milli internet resursların yerləşdirilməsi üçün data-mərkəzin istifadəyə verilməsini planlaşdırır.

Şirkətin rəhbəri Ramazan Vəliyev  bildirib ki, milli domenli saytlar üçün nəzərdə tutulmuş mərkəz kontentin baha başa gələn göndərilməsi ilə bağlı problemin həlli üçün yaradılır.

Qeyd edək ki, “Delta Telekom” Qafqaz regionunun aparıcı telekommunikasiya operatorudur. Regionun ən iri İnternet Backbone şəbəkəsi “Delta Telekoma” məxsusdur. Müasir texnologiyalara əsaslanan Backbone şəbəkəsi platforması vasitəsi ilə Azərbaycanın bütün və Gürcüstanın 78%-dən artıq internet provayderləri professional İP Backbone xidmətləri ilə təmin olunur.

Şirkətin DWDM şəbəkəsi infrastrukturu bütün regional mərkəzləri və beynəlxalq çıxışları əhatə edir. Üç mindən çox VSAT stansiyası yer infrastrukturların üzərindən mümkün olmayan sürətli interneti, məlumatların öürülməsi və regionlarda telefoniya xidmətlərini təmin edir.

"Delta Telecom" -dan  verilən məlumata əsasən bu mərkəzin yaradılması xaricdə yerləşən milli internet resurslarını ölkədə yerləşdirməyə imkan verəcək.DATA mərkəzin yaradılmasında əsas tələblərdən biri də 10 Qb-lik internet kanallarının çəkilişidir.