CityNet artıq Delta Telecom-dan internet almır

07-04-2016 / 13:49

Bir müddət əvvəl məlumat verdiyimiz kimi,  Nar ölkənin ən iri sabit internet provayderindən biri olan CityNet-i satın aldı.

Bu birləşmə nəticəsində Nar  “Nar-CityNet” brendi altında CityNet tərəfindən təklif edilən məhsulların siyahısını innovativ telekommunikasiya və əyləncə xidmətləri ilə genişləndirməyi nəzərdə tutur.

Bununla da, şirkətlər  müştərilər üçün daha əlverişli və sərfəli şərtlərlə mobil və sabit internet xidmətlərinin birgə təqdim olunduğu paketlər təklif edəcəklərini açıqladılar.

Məlumat verdiyimiz kimi, Azərbaycana interneti əsasən iki şirkət, Delta Telecom və Azərtelekom şirkəti gətirir. Qonşu ölkələri də internetlə təmin edən Delta Telecom şirkəti ölkə internetinin 90%-ni təmin edir.  

Ötən yazımızda da vurğulamışdıq ki, yuxarıda qeyd olunan  birləşmə nəticəsində əvvəllər Delta Telecom-dan internet alan CityNet və Uninet Nar-ın tərkibinə daxil olandan sonra, güman ki, interneti də artıq Delta Telecom-dan deyil , elə öz daimi müştərisi olduğu Azərtelekom-dan alacaq.

Ekspertlər də bu barədə proqnoz vermişdilər.

Xeberler.az məlumat verir ki,  artıq CityNet  gözlənildiyi kimi Delta Telecom-un xidmətlərindən imtina edib.

Belə ki, bir müddət əvvəl Delta Telecom -un öz saytında yerləşdirdiyi cədvəldən görsənir ki, aprelin 1-dən Uninet Və  CityNet qurumları artıq Delta Telecom-dan internet trafiki almırlar.

Həmin tarixdən etibarən adı çəkilən provayderlərin Delta Telecom şəbəkəsindən aldığı trafikin hər hansı dəyişikliyi qeydə alınmayıb.

Nar və CityNet birləşməsindən sonra internet xidmətinin  daha sürətli olacağı gözlənilsə də, müşahidələrimiz göstərir ki, hələlik hər hansı  müsbət dəyişiklik nəzərə çarpmır.

Əksinə , müşahidələrimizdə, istifadəçilərin də sosial şəbəkələrdəki bununla bağlı rəylərində  CityNet-in internet xidmətlərində son günlərdə müəyyən problemlər olduğu görünür.

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.