Azərtelekom provayderlərin internet trafikini niyə açıqlamır?

07-12-2016 / 17:27

Bir müddət əvvəl məlumat verdiyimiz kimi, Delta Telecom yeni bir xidmət istifadəyə verib.

Belə ki, bu bakbone provayder 2-ci səviyyəli provayderlərin internet trafikindən (Delta Telecom-dan aldığı internet tutumundan) istifadə vəziyyətini sutka ərzində onlayn olaraq necə dəyişdiyinin qrafikini öz saytında yerləşdirib.

Artıq 2-ci səviyyəli provayderlərin ( Delta Telecom-dan interent alan bütün proveyderlər) bütün internet trafikindən sutka, həftə və ay ərzində necə istifadə olunduğunu onlayn olaraq izləmək mümkündür.

Qrafikdə hər bir provayderin sutka ərzində həm daxil olan, həm də çıxış trafikini haqqında məlumatlar yerləşdirilib.

Bu məlumatlar isə provayderlərin Delta Telecom-dan aldığı trafikin müştərilərinin tələbatına uyğunluğunu asanlıqla yoxlamağa imkan verir.

Provayderlərin trafiklərindən sutkanın hansı vaxtlarında daha çox istifadə edildiyini , yüklənmə yüksək həddi və digər məqamları saytdakı statistikadan izələy bilirsiniz.

Bu da Delta Telecom-un bu xidmətinin provaydərlərin təqdim etdiyi internet xidmətlərinin keyfiyyəti üzərində ictimai nəzarəti daha da gücləndirməyə imkan verir.

Qeyd edək ki. ekspertlər də Delta Telecom-un bu təşəbbüsünü yüksək qiymətləndirir. Onlar Delta Telecom tərəfindən yaradılan bu imkanın ölkədə internetin keyfiyyətinin yaxşılaşmasında mühüm rol oynadığını bildirir.

Maraqlıdır ki, Delta Telecom-da bu cür şəffaflıq yaradılsa da, ölkənin digər backbone provayder-Azərtelekom-da belə bir xidmət nəzər çarpmır.

Məlum olduğu kimi, artıq internet bazarında xüsusi çəkisi kifayət qədər yüksək olan CityNet provayderi,  Nar, Bakcell və digər bir neçə provayder də Azərtelekom-dan internet alır.

Lakin istifadəçilər Azərtelekom-un internet satdığı provayderlərin trafiki ilə bağlı məlumat əldə edə bilmir.

Son günlər ölkədə internetin keyfiyyəti ilə bağlı narazılıqların artıdığı bir zamanda ekspertlər məsələni yenidən gündəmə gətirib.

Onlar qeyd edir ki, Delta Telecom-un yaratdığı kimi xidmətin Azərtelekom-da da olması daha doğru olardı.

Ekspertlər hesab edir ki, ikinci backbone şirkət bu məsələyə nədənsə ciddi yanaşmır . Belə ki, bu məsələ əvvəllər də gündəmə gətirilsə də, Azərtelekom-un saytına daxil olanda proveyderlərin statistikasını göstərən məlumat cədvəli qeyd edilməyib.

Düşünürük ki, Delta Telecom-un təqdim etdiyi xidmət Azərtelekom-da yaradılsa, Azərbaycan internet istifadəçiləri üçün daha faydalı olar.

Ümid edirik ki, şirkət bu məsələni diqqətdə saxlayacaq.

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.