Ekspert: Azərbaycanın startap ekosistemi haqqında məlumatları necə əldə etmək olar?

14-10-2022 / 21:18
Startap Azərbaycan komandası startup.az (Startap Azərbaycan) platformasını tam yeniləyib.
Xeberler.az bildirir ki, bu barədə Azərbaycan İnternet Forumunun Prezidenti, ekspert Osman Gündüz öz feysbuk səhifəsində paylaşım edib.
"Startup.az portalında Azərbaycanın startap ekosistemində olan milli startaplar, startap şəhadətnaməsi alanlar, investorlar, fondlar, startapa dəstək məqsədi ilə yaradılan inkubasiya və akselerasiya mərkəzləri, tənzimləyicilər, hüquqi baza və müxtəlif startap layihələri barədə ətraflı məlumatlar yer alıb.
Startap Azərbaycan bazasında hazırda 103 milli startap və 68 şəhadətnamə alan startap haqqında Azərbaycan və İngilis dillərində məlumatlar mövcuddur.
Müxtəlif milli startaplarımızın iştirak etdikləri və təcrübə keçdikləri proqramlar və layihələr haqqında da portalda məlumatlar verilib.
Portalda hər bir milli startapın, investorun və mütəxəssisin özü haqqında məlumatları bazaya daxil etmək imkanı yaradılıb.
Ekspert Şurası tərəfindən təsdiqləndikdən sonra bu məlumatlar Milli Startap Bazasına daxil edilir.
Platformaya əlavə edilən məlumatlar sektorun inkişafına uyğun olaraq daim yenilənir.
Platforma startapçılara öz layihələrini geniş ictimaiyyətə və investorlara təqdim etməyə, maraqlı tərəflər üçün ekosistem haqqında məlumatlar əldə etməyə, həmçinin startap komandalara mütəxəssis cəlb etməyə dəstək olur.
Startap Azərbaycan komandası portalın yeni versiyasını KOBİA-nın dəstəyi ilə hazırlayıb".

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.