Startap Azərbaycan sabah Texniki Universitetin tələbələri ilə görüş keçirəcək

06-04-2015 / 11:14

Startap Azərbaycan aperlin 7-də saat 12:00-da Azərbaycan Texniki Universitetinin  tələbələri ilə görüş  keçirəcək.

Startap Azərbaycan layihəsi çərçivəsində  baş tutacaq görüş universitetin   1-ci korpusunun 513-cü  otağında təşkil olunacaq. 

Xəbərlər-in məlumatına görə, görüşə startaplar və İnternet biznes sahəsi ilə maraqlanan tələbələr qatılacaq.  Görüşdə  Startap Azərbaycan Komandasının üzvləri,  Elektron Hökumət portalının və RYT yanında İT-nin İnkişafı Dövlət Fondunun nümayəndələri iştirak edəcəklər.

Toplantıda Startap Azərbaycan  haqqında, Elektron hökumət portalı çərçivəsində keçirilən yeni startap müsabiqəsi haqqında, İT-nin İnkişafı Dövlət Fondunun qrant layihələri haqqında  məlumatlar veriləcək.

Görüşdə həmçinin yerli startap  layihələri haqqında, onların ideyası və texniki-texnoloji xüsusiyyətləri,  haqqında, İnternet bazarındakı yeri haqqında və gələcək inkişaf perspektivləri haqqında məlumatlar veriləcək.

Startap Azərbaycan layihəsinin əsas məqsədi milli startupların üzə çıxarılmasına və inkişafına dəstək vermək, bu istiqamətdə maarifçilik işləri həyata keçirmək, ölkədə İnternet biznes mühitini yaxşılaşdırmaq və investorların bu sahəyə diqqətini artırmaq və innovativ ideyaların uğurlu biznes sahəsinə çevrilməsinə yardım etməkdir.

Əvvəlki görüş  aprelin 2-də Azərbaycan Memarlıq və İnşaat Universitetinində keçirilib.  

 

 

Məltəm  Talıbzadə

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.