Startap Azərbaycan yekun tədbirlərinin vaxtı məlum oldu

23-05-2016 / 14:52

İyunun 1-də Holiday İnn otelində Startap Azərbaycan 2016 müsabiqəsinin yekun təqdimat mərasimi və ənənəvi Startap Azərbaycan Milli Konfransı keçiriləcək.

Konfransın mövzusu isə “Azərbaycanın startap mühiti (ekosistemi) : problemlər və perspektivlər“ olacaq.

Startap Azərbaycan-ın Təşkilat Komitəsindən Xeberler.az-a verilən məlumata görə, “Azərbaycanın startap mühiti (ekosistemi) : problemlər və perspektivlər” konfransının proqramı artıq hazırdır.

Yekun təqdimat mərasimində Startap Azərbaycan 2016 layihəsinin yekunları və milli startap müsabiqəsinin nəticələri haqqında təqdimatlar olacaq.

Həmçinin müsabiqəsinin qalibləri elan olunacaq, onlara mükafatlar və qiymətli hədiyyələr təqdim olunacaq.

Qaliblərin qısa müddətli təqdimatları da nəzərdə tutulub.

Təşkilat Komitəsindən verilən məlumata görə, artıq konfrans iştirakçılarına da dəvətnamələr göndərilməyə başlanıb.

Qeyd edək ki, yekun təbirlərədək daha bir Startap Azərbaycan tədbiri gözlənilir.

Belə ki, mayın 26-da Startap Azərbaycan 2016 yarımfinalçılarının 2-ci qiymətləndirilməsi olacaq. Yüksək Texnologiyalar Parkında baş tutacaq tədbirdə 10 yarımfinalçı komanda ekspertlər qarşısnda təqdimatlar edəcək.

Ekspertlərin qiymətləndriməsi əsasında qaliblər müəyyənləşəcək.

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.