Bir qrup media eksperti və media hüququ üzrə mütəxəssis dekabrın 27-də"Media haqqında" yeni qanun layihəsiilə bağlı təklif və iradlarını Milli Məclisə göndəriblər.
Xeberler.az məlumat verir ki, ötən həftə Milli Məclisin nümayəndələri və əlaqəli qurumların rəhbərləri "Media haqqında" qanun layihəsini bir qrup KİV rəhbəri və media eksperti ilə müzakirə etmişdilər. Layihəyə düzəliş təklifləri çox olduğu və bir sıra hallarda konseptual mahiyyət daşıdığı üçün müzakirələr nəticəsində onların yazılı şəkildə təqdim edilməsi qərara alınmışdı.
Bu gün isə media ekspertləri Mehman Əliyevin, Qulu Məhərrəmlinin, Osman Gündüzün, Elçin Şıxlının, Arif Əliyevin rəylərini nəzərə almaqla, media hüququ üzrə mütəxəssislər Ələsgər Məmmədli və Xalid Ağayev həmin təklifləri ümumiləşdirərək Milli Məclisin müvafiq komitəsinə göndəriblər.
Məlumata görə, burada 78 maddəlik qanun layihəsinin 40-dək maddəsinə diqqət yetirilib. Onlardan bəzilərinin çıxarılması, digərlərinin yeni redaksiyada verilməsi, yaxud dəyişdirilməsi barədə məsələ qaldırılaraq əsaslandırılıb.
Media ekspertləri ümidvar olduqlarını bildiriblər ki, onların təklifləri öyrəniləcək, layihə indiki vəziyyətdə tələsik 3-cü oxunuşa çıxarılaraq təsdiq edilməyəcək və beynəlxalq standartlara, prinsiplərə uyğun olan, media azadığını və jurnalist fəaliyyətini təhdid etməyən yeni qanun layihəsini qəbul ediləcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları