Əli Abbasov: 130 min ailəyə pulsuz tüner verilə bilər

19-06-2012 / 15:01
Azərbaycanda internetin qiyməti Şərqi Avropa ölkələrində olan qiymətlərinə uyğundur. Bu sözləri Azərbaycanın rabitə və informasiya texnologiyaları naziri Əli Abbasov jurnalistlərə açıqlamasında bildirib.

İnternetin sürətinə gəldikdə, nazir qeyd edib ki, Azərbaycanda internetin sürəti bu xidmətə görə ödənilən vəsaitdən asılıdır: «İnternet istifadəçilərinin 50-60%-i üstünlüyü aşağı qiymətlərə verir və bununla da sürəti itirir. Lakin hazırda Azərbaycanda internetin sürəti və qiymətinə görə çeşid çoxdur».

Nazir həmçinin bildirib ki, ümumiyyətlə, internet xidmətlərinə görə qiymətlər nazirlik tərəfindən deyil, bazar tərəfindən tənzimlənir: «Sürətli internetə yüksək tələbatın olması bu xidmətlərə görə qiymətin aşağı düşməsinə mane olur».

Əli Abbasov rəqəmsal yayıma keçidə görə 130 min ailəyə pulsuz tünerlərin verilməsi məsələsinin gündəmdə olduğunu deyib: “Milli Radio və Televiziya Şurası belə bir təklif irəli sürüb. Söhbət ünvanlı sosial yardım alan ailələrdən gedir. Bu məsələyə baxılır. Ümumiyyətlə, kommersiya şirkətləri də əhalinin pulsuz tünerlərlə təmin edilməsində maraqlıdırlar. Çünki rəqəmsal yayma keçid onlara gəlir gətirəcək”.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.