Azərbaycan Rabitə və İnformasiya Texnologiyaları Nazirliyi (RİTN) mobil telefon istifadəçilərinə gizli nömrələrdən edilən zənglərin qarşısını almaq üçün yeni tənzimləyici sənəd hazırlamağı planlaşdırır. Trend-in məlumatına görə, bu barədə jurnalistlərə rabitə və informasiya texnologiyaları naziri Əli Abbasov deyib.
“Biz də hesab edirik ki, gizli nömrələrdən zəng etmək düzgün deyil. Bununla bağlı müraciətlər, şikayətlər çoxdur. Müəyyən tədbirlər görüləcək. Lakin elə etmək lazımdır ki, bu, mobil operatorların kommersiya fəaliyyətinə mənfi təsir göstərməsin”, - nazir bildirib.
Əli Abbasov əlavə edib ki, tənzimləyici orqan kimi RİTN-in belə hallara qarşı mübarizə aparmaq üçün müəyyən səlahiyyətləri var.
Nazirin sözlərinə görə, gizli nömrələrdən edilən zənglərdən narazı qalan abunəçilər öz hüquqlarını qanunla və məhkəmə yolu ilə müdafiə edə bilərlər.
“Bakcell” və “Azercell” mobil operatorlarının yeni tarif sisteminə keçməsinə gəlincə, Abbasov qeyd edib ki, bunun nəticəsində mobil rabitə qiymətləri azalacaq.
“Bu proses artıq başlayıb. Yaxın günlərdə nəticəsini görəcəksiniz”, - nazir deyib.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları