Azərbaycanın süni peykinin istehsalına başlanılıb

07-09-2010 / 13:14

Azərbaycanın orbitə buraxılacaq ilk süni peykinin istehsalına başlanılıb. Bu barədə Rabitə və informasiya texnologiyaları naziri Əli Abbasov məlumat verib. Onun sözlərinə görə, peykin hazırlanması üzrə işlər plana uyğun gedir.

Nazir qeyd edib ki, artıq peykin buraxılması ilə bağlı bütün müqavilələr imzalanıb və kadr hazırlıqlarına başlanılıb: “İndi əsas məqsəd kadr hazırlığıdır, bazarların öyrənilməsi və rəqabət qabillyyətli olmasıdır”.

Amerikanın “Orbital Ciens” şirkəti ilə imzalanmış müqaviləyə əsasən peyk 2012-ci ilin avqustunda orbitə çıxarılacaq. Ümumi dəyəri təxminən 200 milyon dollar qiymətləndirilən layihəyəyə qoyulan pulu 5-7 il müddətinə çıxarmaq mümkün olacaq. Belə ki, peykin resurslarının 20-25 faizi Azərbaycan tərəfindən istifadə olunacaq. Qalan hissəsi isə satılacaq.

Azərbaycanın yeni texnologiyalardan istifadə sahəsində istiqamətində yeni layihələr həyata keçiriləcəyini deyən nazir Əli Abbasov bu sahədən gəlirlərin 2020-ci ildə neft gəlirlərinə çatacağını istisna etmir. Onun sözlərinə görə, bunun üçün yeni xüsusi texnoloji zonalar yaradılacaq. Burada iformasiya texnologiyaları sektorunun inkişafı üçün layihələr hazırlanacaq.

Ə. Abbasov bildirib ki, son illər ələbat artdığından internetin genişləndirilməsinə ehtiyac yaranıb. Qiymətlərə gəlincə, son 1 ildə bu sahədə ciddi ucuzlaşmanın olduğunu deyən nazir tariflərin aşağı düşməsinin bundan sonra da müşahidə ediləcəyini deyib.


ŞƏRHLƏR


OXŞAR XƏBƏRLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.