Facebook-un ilk internet peykini daşıyacaq platformada partlayış olub

02-09-2016 / 10:21

ABŞ-ın Florida ştatında yerləşən SpaceX uçuş platformasında partlayış baş verib.

Şahidlər ard-arda bir neçə partlayış səsinin eşidildiyini deyirlər. Hadisənin kosmodromun ətrafında yaşayan əhaliyə təhlükə törətmədiyi bildirilir.

NASA-nın məlumatına əsasən, insident kosmodromda pilotsuz raketin sınaqları keçirilən zaman baş verib. Sınaqlar Kanaveral burnunda yerləşən kosmodromdan sentyabrın 3-nə planlaşdırılan uçuşa hazırlıq məqsədi daşıyırmış. Raket Facebook sosial şəbəkəsinin ilk peykini və İsrailin rabitə peykini fəzaya çıxarmalı idi.

Xatırladaq ki, kosmodromda son ciddi qəza 2015-ci il iyunun 28-də baş verib. Həmin vaxt Beynəlxalq Kosmik Stansiyaya uçması planlaşdırılan Dragon yük gəmisi Falcon 9 daşıyıcı-raketi ilə birgə partlamışdı. Falcon 9 daşıyıcı-raketi və dünyada yeganə çoxistifadəli Dragon yük gəmisi ABŞ-ın SpaceX kompaniyası tərəfindən hazırlanıb.

 

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.