Facebook Yol polisinə kömək edir
04-08-2011
17:37
Bakı Şəhər Dövlət Yol Polisi İdarəsi (BDYPİ) “Avtoxuliqanlığa qarşı birgə mübarizə aparaq” mövzusunda sosial şəbəkələrdə elan etdiyi karikatura müsabiqəsinə yekun vurub. Belə ki, arzu edənlər öz işlərini Facebook-da açılmış səhifəyə göndəriblər.
BDYPİ-nin şöbə rəisi Vaqif Əsədov bildirib ki, müsabiqə iyulun 15-də elan edilib. Müsabiqəyə 86 karikatura təqdim olunub. Onlardan 10-u mükafatlandırılıb. 1, 2, 3-cü yeri tutanlara pul mükafatları təqdim olunub.
Bu ilin əvvəlindən avtoxuliqanlıqla bağlı 19 qəza baş verib. Nəticədə 11 nəfər həlak olub, 14 nəfər xəsarət alıb. 214 avtoxuliqanlıq hadisəsi isə xüsusi texniki vasitələrlə aşkarlanıb.
Əsədovun sözlərinə görə, 20-30 yaşlarında şəxslərin törətdiyi avtoxuliqanlıq hallarına əsasən Bakının “Beşmərtəbə” adlanan ərazisində, 3-cü mikrorayon dairəsində, Zərifə Əliyeva, Hüseyn Cavid parkları yaxınılığında, Babək, Tbilisi, Nobel prospektlərində, Rəşid Behbudov, Bakıxanov küçələrində, Biləcəri şosesində rast gəlinib.(Turan)
