Azərbaycanlılar informatika sahəsində beynəlxalq müsabiqəyə qatılıb

16-12-2014 / 13:03

Təhsil Nazirliyinin təşəbbüsü ilə Azərbaycan bu il Bebras beynəlxalq müsabiqəsinə qatılıb. Müsabiqə dekabr ayının ilk ongünlüyündə keçirilib.

Bebras müsabiqəsi (Litva dilində Bebras qunduz mənasını verir, ingiliscə beaver, rusca bober) informatika sahəsində beynəlxalq müsabiqədir. Müsabiqədə şagirdlərin alqoritmik təfəkkürləri yoxlanılır. Müsabiqədə iştirak etmək üçün ilkin biliklər tələb olunmur. Kompüter və interneti olan şagird müsabiqədə iştirak edə bilər.Hazırda dünyanın 30-dan çox ölkəsi, Rusiya, Kanada, ABŞ, Serbiya, Slovakiya, Avstraliya, İran, Meksika və s. Bebras beynəlxalq müsabiqəsinə qoşulub. Azərbaycan 2012-ci ildən həmin müsabiqədə iştirak edir. Müsabiqədə 4min 184 nəfər iştirak edib, iştirakçılar müxtəlif bölgələrdən və məktəblərdən olub. 3 min 902 şagird Bakı məktəblərindən, digərləri isə bölgələrdən müsabiqəyə qatılıb.

Bebrasın Azərbaycan üzrə nümayəndəsi Adil Əliyev Xeberler.az-a bildirib ki, müsabiqənin əsas məqsədi istedadları, potensial proqramçıları, olimpiadaçıları, gələcəyin Lomonosovlarını üzə çıxarmaqdır:

“Builki müsabiqə Təhsil Nazirliyinin dəstəyi ilə təşkil olunub. Eyni zamanda, müsabiqənin təşkil olunmasına müəllimlər də kömək edir. Həmçinin entuziast dostlarımız köməklik edir ( Cavid Mahmudzadə, Toğrul Cəfərli, Şərif Hüseynli, Elnur Məmmədov) Müsabiqəni hazırda öz entuziazımızla edirik. Heç yerdən heç bir maliyyə dəstəyi almırıq”, deyə o bildirib.

Adil Əliyev qeyd edib ki, gələcəkdə müsabiqəyə qatılan şagirdlərin beynəlxalq proqramlaşdırma olimpiadalarına hazırlıq işləri nəzərdə tutulub.

 Mirvari Nəcəf


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.