Fransada Bitcoin valyutası qadağan oluna bilər

20-11-2015 / 10:48

Bitcoin virtual valyutası Fransada baş verən terror aktlarının araşdırılması fonunda Avropa İttifaqı (Aİ) ərazisində qadağan oluna bilər.

Xeberler.az-ın xarici mətbuata istinadən məlumatına görə, cümə günü Brüsseldə Aİ ölkələri kriptovalyutanın terror aktlarının hazırlanması və maliyyələşdirilməsi üçün təhlükə törədə bilməsi məsələsini müzakirə edəcəklər.

Sənəd layihəsində Avropa Komissiyası üçün elektron/anonim ödənişlər və virtual valyutalar kimi qeyri-bank ödəmə üsullarının idarə olunması üzrə tədbirlər nəzərdə tutulur.

Eyni zamanda oktyabrın ortalarında Avropa Məhkəməsi Bitcoin və digər virtual valyuta ilə Aİ ərazisində aparılan əməliyyatların əlavə dəyər vergisindən (ƏDV) azad olunması ilə bağlı qərar çıxarıb. Məhkəmə bu qərarla virtual valyutaları vergiqoyma baxımından ənənəvi valyutalara bərabərləşdirib.

Bitcoin dünyanın heç bir ölkəsinə məxsus deyil və mərkəzləşdirilmiş server olmadan müstəsna olaraq müəyyən proqram təminatı istifadəçiləri arasında dövr edir. Bu səbəbdən rəqəmli pullardan istifadə edilərək həyata keçirilən bütün tranzaksiyalar anonim olur.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə