TƏDBİRLƏR

Məlumat verdiyimiz kimi, hazırda Bakıda davam edən Bakutel 2015-də bir sıra tanınmış beynəlxalq İT  şirkətləri də iştirak edir.

Onlardan biri də Google şirkətidir.

Xeberler.az-ın məlumatına görə, Google sərgidə Google Cultural İnstitute layihəsi ilə təmsil olunur.

Qeyd edək ki,  dünyanın bütün incəsənət  nümunələri ilə tanış olma imkanı yaradan Google Cultural  dünyadakı bütün ölkələrin mədəniyyət müəssisələri  bu platformada toplayır.  Onların yerləşdiyi məkanlar barədə ümumi məlumat  verir. Məqsəd isə bu irsi  qoruyub, saxlamaqdır.

Belə ki, istifadəçilər bu platformaya daxil olaraq  incəsənət nümunələri ilə tanış ola bilir. Mədəniyyət, incəsənət nümunələri ilə bağlı şəkillərə platformada olan müxtəlif ölçüdə baxa bilir.

Google-un hazırda Azərbaycanda olan rəsmisi Kırıll Zemcov Xeberler.az-a bildirib ki, o  Bakutel sərgisində ilk dəfə iştirak edir və Azərbaycanda olmaqdan çox məmnundur.

Google rəsmisi  platformanın 3 ildir fəaliyyət göstərdiyini deyib.

O bildirib ki, Azərbaycana məxsus bəzi incəsənət nümunələri  isə noyabrın 29-da platformada yerləşdirilib.

Kırıll Zemcov Heydər Əliyev Mərkəzini çox bəyəndiyini və Mərkəzlə bağlı bütün məlumatların platformaya daxil ediləcəyini deyib.   

Google rəsmisi onu da deyib ki, gələcəkdə Azərbaycanın əksər incəsənət nümunələri də bu platformada yerləşdirilə bilər. 

Məltəm Talıbzadə