Hakerlər yarım milyon “Zoom” hesabını satıblar

04-05-2020 / 12:51

Bir qrup haker "Zoom" videokonfrans xidmətinin yarım milyon hesablarını satışa çıxararaq satıb.

Xeberler.az bildirir ki, bu barədə "Sunday Times" xəbər yayıb.

"Cyble" şirkətinin kibertəhlükəsizlik mütəxəssisləri hesabları bir pensdən (90 qəpik) alıb. Satıcı "Telegram"ın rusdilli istifadəçisi olub. Nəşrin bildirdiyinə görə, bəzi hesablar "Cyble" müştərilərinə məxsus idi, buna görə şirkət onların həqiqiliyini müəyyənləşdirə bilib.

Hakerlər satışa e-poçt ünvanları, giriş və parol, söhbət bağlantısı və videokonfransların idarəetmə pin kodları kimi məlumatlar yerləşdiriblər.

Koronavirus pandemiyası səbəbindən şirkətlərin və məktəblərin kütləvi şəkildə məsafəli formata keçməsi səbəbindən "Zoom" istifadəçilərinin sayı artıb. Belə ki, ötən ilin dekabr ayında gündəlik 10 milyona yaxın insan, mart ayında isə artıq 200 milyon insan xidmətdən istifadə edib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.