Yahoo! istifadəçilərinə xəbərdarlıq

16-02-2017 / 16:41

Yahoo! şirkəti istifadəçilərə ötən il aşkarlanan böyük məlumat sızması haqqında bildirişlər göndərməyə başlayıb.

Təhlükəsizlik şöbəsinin rəhbəri Bob Lordun elektron məktubuna görə, cinayətkarların uzun illər saxta “cookie” fayllarından istifadə edərək istifadəçilərin şəxsi hesablarına müdaxilə etmələri ehtimal olunur.

Bildirişlər Yahoo!-nu satın almaq istəyən Verizon Communications şirkətinin insidentə görə qiyməti 250 milyon dollar azaltmağı tələb edəcəyi ilə bağlı yayılan şayiələr fonunda göndərilməyə başlayıb.

Xeberler.az NRYTN-in elektron xəbər xidmətinə istinadən məlumat verir ki, ötən ilin dekabrında məlum olub ki, 2013-cü ilin avqustunda hakerlər 1 milyarddan çox Yahoo! servisi istifadəçilərinin şəxsi hesablarını oğurlayıblar. Bundan əvvəl isə şirkət 2014-cü ildə baş verən digər insident barədə məlumat verib. Kiberhücum nəticəsində 500 milyon hesab oğurlanıb.

Məlumata görə, saxta “cookie” faylları vasitəsilə cinayətkarlar parollardan yan keçərək başqalarının şəxsi hesablarını ələ keçirə bilərlər.

“Araşdırmadan məlum olub ki, 2015-2016-cı illərdə akkauntları ələ keçirmək üçün saxta “cookie” fayllarından istifadə olunub. Biz saxta fayllardan istifadə ilə bağlı bir sıra halları hökumətlərə işləyən hakerlərin etməsini müəyyənləşdirə bildik. Onların məlumatların oğurlanmasına görə məsuliyyət daşıması haqqında informasiya 2016-cı il sentyabrın 22-də verilib”, - məktubda deyilir.

Yahoo! söhbətin hansı hakerlər haqqında getməsi barədə dəqiq məlumat vermir. Şirkət məktubu ümumi kiberhücumun qurbanı olan istifadəçilərə göndərir, hökumət hakerlərinin məqsədli hücumuna məruz qala bilənlər isə ayrıca bildirişlər alır.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.