Hakerlər ABŞ-ın “CareFirst” sığorta şirkətinin 1,1 milyon müştərisinin fərdi məlumatlarını oğurlayıb.
Xeberler.az RYTN-nin rəsmi saytına istinadən məlumat verir ki, bu barədə şirkət rəsmiləri məlumat verib.
Onların sözlərinə görə, şirkətin kompüter sisteminə qanunsuz müdaxilə ötən ilin iyununda həyata keçirilsə də, bu barədə yalnız indi məlum olub. Cinayətkarlar sığorta şirkətinin keçmiş və indiki müştərilərinin adları, doğum tarixi, elektron ünvanları haqqında informasiyanı oğurlaya biliblər. Bu məlumatlar hakerlərə gələcəkdə həmin insanların bank hesablarını asanlıqla ələ keçirməyə imkan verə bilər.
“CareFirst” xidmətlərindən istifadə edən vətəndaşların ümumi sayı 3,4 milyonu ötür. İnsidentlə bağlı Federal Təhqiqatlar Bürosu (FTB) məlumatlandırılıb.
“CareFirst” il ərzində kiberhücuma məruz qalan üçüncü sığorta şirkəti olub. Belə ki, fevralda hakerlərin bu sahədə fəaliyyət göstərən “Anthem” şirkətinin 80 milyon müştərisinin fərdi məlumatlarını ələ keçirməsi məlum olub. Bundan başqa, martda “Premera” sığorta şirkətinin 11 milyon müştərisinin məlumatları oğurlanıb.
Hər üç insidentin təhqiqatını ABŞ-ın kompüter təhlükəsizliyində ixtisaslaşan “Mandiant” şirkəti aparır. Şirkətlərə hücumda təqsirli bilinənlərin axtarışına həmçinin FTB mütəxəssisləri kömək edir.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları