Hansı dövlət qurumun xidməti keyfiyyətlidir?-Siyahı

21-09-2017 / 16:32

Bu gün Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və ADA Universitetinin birgə təşkilatçılığı ilə “ASAN xidmət indeksi üzrə qiymətləndirmə nəticələri və tətbiq olunan yeniliklərə” həsr olunmuş təqdimat mərasimi keçirilib.

Xeberler.az bildirir ki, tədbirdə çıxış edən Dövlət Agentliyinin sədr müavini Ülvi Mehdiyev bildirib ki, dövlət xidmətlərinin ASAN xidmət indeksi-ni təşkil edən parametrlər üzrə qiymətləndirilməsi işi başa çatdırılıb və 2016-2017-ci illər üzrə 10 mərkəzi və 13 yerli icra hakimiyyəti orqanının seçilən 412 dövlət xidməti qiymətləndirilib.

O qeyd edib ki, qiymətləndirmə 3 mərhələdə, mərkəzi icra hakimiyyəti orqanları üzrə 178 xidmətin, yerli icra hakimiyyəti orqanları üzrə 234 xidmətin qiymətləndirilməsi aparılıb. Nəticələrə əsasən, mərkəzi icra hakimiyyəti orqanları üzrə ən yüksək nəticə göstərmiş 10 xidmət aşağıdakılardır:

Vergilər Nazirliyi (VN) - Vahid depozit hesabı vasitəsilə ƏDV üzrə elektron ödənişlərin və əvəzləşmələrin aparılması

VN - Elektron Vergi Hesab Fakturasının qəbulu

VN - Nazirliyə göndərilmiş müraciətlərin, sorğuların və məktubların icrasının müraciət edənlər tərəfindən onlayn izlənilməsi

VN - Çağrı Mərkəzi vasitəsilə “Sadələşdirilmiş verginin bəyannaməsi”nin qəbulu

Dövlət Miqrasiya Xidməti (DMX) - Əcnəbilərə və vətəndaşlığı olmayan şəxslərə Azərbaycan ərazisində haqqı ödənilən əmək fəaliyyəti ilə məşğul olmaları üçün iş icazəsinin alınması

DMX - Əcnəbilərə və vətəndaşlığı olmayan şəxslərə Azərbaycan ərazisində müvəqqəti yaşamaq üçün icazənin verilməsi, əcnəbilər və vətəndaşlığı olmayan şəxslər Azərbaycan ərazisində daimi yaşamaq icazəsinin alınması

DMX - Şəxsin Azərbaycan vətəndaşlığına mənsubiyyətinin müəyyənləşdirilməsi

VN - Kommersiya hüquqi şəxsin adının unikallığının yoxlanılması

Əmlak Məsələləri Dövlət Komitəsi– daşınmaz əmlak üzərində mülkiyyət hüquqlarının dövlət qeydiyyatına alınması.

Ən aşağı xidmətlər isə aşağıdakı qurumlarda olub:

Daxili İşlər Nazirliyi (DİN) – xidməti və mülki silahın qeydiyyata alınması

DİN – nəqliyyat vasitələrinin avadanlıqla təchiz olunmasına razılığın verilməsi

Əmlak Məsələləri Dövlət Komitəsi- torpaq sahələrində mərzçəkmə işlərini aparmaq və mərz nişanlarını qoymaq

DİN - xidməti və mülki silahın alınmasına və saxlanılmasına xüsusi icazənin verilməsi

Milli Arxiv İdarəsi- sənədlərin Milli arxiv fondunun tərkibinə daxil edilməsi və mühafizəsi

Səfərbərlik və Hərbi Xidmətə Çağırışı üzrə Dövlət Xidməti – Böyük Vətən Müharibəsində və Azərbaycanın bütövlüyü uğrunda gedən döyüşlərdə iştirak etmiş, əlil olmuş şəxslərə, şəhid ailələrinə müvafiq arayışın verilməsi

Əmək və Əhalinin Sosial Müdafiəsi Nazirliyi- peşə seçimi ilə bağlı onlayn testləşdirmə

Səfərbərlik və Hərbi Xidmətə Çağırış üzrə Dövlət Xidməti - hərbi qeydiyyatda olması barədə arayışın verilməsi

Yerli icra hakimiyyəti orqanları üzrə ən yüksək nəticə göstərmiş xidmətlər Binəqədi rayon İcra Hakimiyyətində, ən aşağı nəticə göstərmiş xidmətlər isə  Nəsimi və Səbail Rayon İcra Hakimiyyətində olub.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.