Hesab.az smart-kartların məsafədən yüklənməsini işə salır

08-11-2015 / 18:00

Hesab.az ödəniş portalı vasitəsilə Azərsu ASC-nin abonentləri üçün su sayğacları üzrə smart-kartların məsafədən yüklənməsi xidmətinin işə salınması yaxın vaxtlarda gözlənilir.

Xeberler.az-ın məlumatına görə, bunu Trend-ə Goldenpay şirkətinin baş direktoru Fərid İsmayılzadə deyib.

Onun sözlərinə görə, sistemin işə salınması üzrə sınaqların başa çatması yaxın həftələrdə gözlənilir.

Xidmət "Kommunal xidmətlər" bölməsində əlçatan olacaq. Sistemin iş mexanizmi qaz sayğacları üzrə smart-kartların onlayn yüklənməsi üçün tətbiq olunan sistemin mexanizmi ilə eynidir. Smart-kartları yükləmək üçün kard-riderlərdən istifadə olunmalıdır. Qiyməti 30 manat olan cihazı “Goldenshop.az” onlayn-mağazasından əldə etmək olar.

Smart-kartları yükləmək üçün Java proqramı yükləmək (java.com/en/download/ie_manual.jsp?locale=en), həmçinin drayveri (drayverin ünvanı: system.goldenpay.az/smart/jpcsc.dll) C diskinin “Windows” qovluğuna kopyalamaq lazımdır.

Smart-kartın yüklənmə prosesi aşağıdakılardan ibarətdir: kartı kard-riderə qoymaq, “START” düyməsini basmaq və kartdakı məlumatın yoxlanılmasını gözləmək, sonra karta yükləmək istədiyiniz məbləği qeyd edib növbəti səhifəyə keçmək lazımdır. Daha sonra kart haqqında informasiya daxil edilməli və ödəniş həyata keçirilməlidir. Pul vəsaitinin karta yüklənməsi üçün “START” düyməsini basmaq, proses başa çatdıqdan sonra kartı çıxarmaq lazımdır.

Prosesdən öncə kartdakı məbləği sayğaca yükləmək, kartda vəsaitin qalmadığından əmin olmaq lazımdır. Əks halda vəsait karta yüklənməyəcək. Həmçinin yükləmə prosesi başa çatmayıbsa, kartı vaxtından əvvəl çıxarmaq olmaz.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.