İnformasiya Texnologiyalarının İnkişafı Dövlət Fondu tezliklə fəaliyyətə başlayacaq

08-04-2013 / 11:38
Azərbaycan ilə Macarıstan arasında İKT sahəsində əməkdaşlıq məsələləri müzakirə olunub 
 Rabitə və İnformasiya Texnologiyaları Nazirliyində Bakıda səfərdə olan Macarıstanın milli inkişaf naziri Jujanna Nemətin başçılıq etdiyi nümayəndə heyəti ilə görüş keçirilib.
 
Rabitə və İnformasiya Texnologiyaları Nazirliyinin mətbuat xidmətinin rəhbəri Müşfiq Əmirovun Lent.az-a verdiyi məlumata görə, görüşdə Azərbaycan ilə Macarıstan arasında informasiya-kommunikasiya texnologiyaları (İKT) sahəsində əməkdaşlıq məsələləri müzakirə olunub.
 
Rabitə və informasiya texnologiyaları naziri Əli Abbasov Azərbaycanda İKT sektorunun hazırkı səviyyəsi, ölkədə kosmik sahənin gələcək inkişaf perspektivləri, “İnformasiya-kommunikasiya texnologiyaları ili” çərçivəsində həyata keçiriləcək yeni layihələr, “Elektron hökumət” layihəsində əldə olunan uğurlar barədə qonaqlara ətraflı məlumat verib. Onun sözlərinə görə, bu ilin fevralında “Azerspace-1” telekommunikasiya peykinin orbitə çıxarılıb və bu peyk Azərbaycanın gələcək inkişafında mühüm rol oynayacaq. Əli Abbasov Bakıda ənənəvi olaraq hər il keçirilən “Bakutel” sərgi-konfransına Macarıstanın müvafiq nazirliyini və informasiya texnologiyaları şirkətlərini dəvət edib. Rabitə və informasiya texnologiyaları naziri qeyd edib ki, Azərbaycanda Yüksək Texnologiyalar Parkının yaradılması istiqamətin işlər aparılır. Növbəti tədris ilindən İnformasiya Texnologiyaları Universiteti, tezliklə isə İnformasiya Texnologiyalarının İnkişafı Dövlət Fondu fəaliyyətə başlayacaq. Əli Abbasov ölkəmizdə bu sahəyə sərmayə qoyulması üçün əlverişli mühitin və geniş imkanların olduğunu diqqətə çatdırıb.
 
Azərbaycanda İKT sektorunun dinamik inkişafının müşahidə olunduğunu qeyd edən Jujanna Nemət isə ölkələr arasında əməkdaşlığın bundan sonra da davam etdiriləcəyinə əminliyini ifadə edib.  O, İKT sahəsində müsbət nəticələrin əldə olunması üçün kompleks tədbirlərin görülməsinin və birgə əməkdaşlığın vacibliyini vurğulayıb. Görüşdə qarşılıqlı maraq doğuran digər məsələlər də müzakirə olunub. lent.az

ŞƏRHLƏR


OXŞAR XƏBƏRLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.