Rabitə və İnformasiya Texnologiyaları Nazirliyində kollegiya iclasında hansı məsələlər müzakirə olundu?

27-10-2010 / 23:29

Azərbaycan Rabitə və İnformasiya Texnologiyaları Nazirliyində cari ilin ilk doqquz ayının yekunlarına dair kollegiya iclası keçirilib.

Nazirlikdən verilən məlumata görə, iclasda çıxış edən Azərbaycanın rabitə və informasiya texnologiyaları naziri Əli Abbasov oktyabrın 20-də ölkə prezidentinin sədrliyi ilə Nazirlər Kabinetinin 2010-cu ilin 9 ayının sosial-iqtisadi inkişafının yekunlarına həsr olunmuş geniş iclasında dövlət başçısının proqram xarakterli çıxışından irəli gələn vəzifələri diqqətə çatdıraraq, Nazirlik tərəfindən həyata keçirilən islahatlar və onların nəticələri barədə danışıb.

Həyata keçirilən tədbirlərin nəticəsi kimi, cari ilin 9 ayı ərzində rabitə və informasiya texnologiyaları sektorunda dinamik inkişaf tempinin müşahidə olunduğunu bildirən nazir qeyd edib ki, hesabat dövründə İKT sektorunda artım tempi 34%, o cümlədən telekommunikasiya sektorunda 33,9%, poçt sektorunda isə 20,7% təşkil edib.

Ə.Abbasovun sözlərinə görə, ötən ilin müvafiq dövrü ilə müqayisədə ÜDM-in real artım tempi 4,1%, İKT və poçt sektoru üzrə əldə olunan gəlirlərin ÜDM-də payı isə 2,1%-ə bərabər olub.

Bundan sonra iclasda 2010-cu ilin 9 ayının yekunları, «Maliyyə xidmətlərinin inkişafı Layihəsi»nin ilkin nəticələri və qarşıda duran vəzifələr, operatorlar, provayderlər arasında arabağlantı məsələlərinin tənzimlənməsi, onlara məhdud resursların ayrılması, resurslardan səmərəli istifadəyə nəzarət, həmçinin universal telekommunikasiya və poçt xidmətlərinin təşkili üzrə məsələləri əhatə edən məruzələr dinlənilib.

Kollegiyaya yekun vuran Ə.Abbasov rabitə və informasiya texnologiyaları sahəsi işçilərini daha yüksək nəticələrin əldə olunması üçün bütün səylərini səfərbər etməyə çağırıb və həlli vacib məsələlərin icrası üçün tapşırıqlar verib.

mənbə APA


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.