Intel nazik noutbuklar üçün prosessorlar istehsal edib
İntel nazik noutbuklar üçün Core 2 Duo prosessorlarını təqdim edib. SU9300 və SU9400 modellərinin hər ikisi 800 MHs-lik şin üzərində işləyir və ikinci dərəcəli, keş yaddaşlı, 3 Mb-lıq ölçüdədir. Birinci çipin tezliyi 1,2 GHs, ikincininki isə 1,4 Ghs-dir. Adı çəkilənlərlə yanaşı SL9300, SL9400, SP9300 və SP9400 modelləri də buraxılıb. Bu prosessorlar 1066 MHs şin üzərində işləyir və iki dəfə böyük keşə malikdir. Tezlikləri isə modeldən asılı olaraq 1,6-2,4 GHs arasında dəyişir.
Yeni prosessorlar kiçik form-faktorlara malik digər mobil prosessorlardan təxminən 60 faizə qədər kiçikdir. Bu, çox kiçik korpuslu noutbukda çipləri birləşdirməyə kömək edir. Prosessor MacBook Air və Lenovo IdeaPad U100 noutbukları üçün nəzərdə tutulub.
İntel-in rəsmi nümayəndələrinin sözlərinə görə, onlar 45-nm tranzistora keçməklə çiplərin səmərəliliyini artırmağa, enerji sərfini isə azaltmağa müvəffəq olublar.
Kütləvi satışın sentyabr ayında baş tutacağı söylənilir.
