RƏQƏMSAL DÜNYA

Intel şirkəti rəsmi olaraq, noutbuk istehsalçılarını Centrino 2 – yeni mobil platforma ilə təchiz etməyə başlayıb. Həmin reliz Centrino-nun əsaslı yenidən baxılmasına dair sayca artıq beşincidir. Təqdimat mərasimi zamanı şirkətin məhsul istehsalat xəttində mobil istiqamətin vacibliyini vurğulayan Intel nümayəndələri qeyd ediblər ki, gələcək nəsil mobil platformalarda istehlakçı və korporativ həllərə bölünmə prinsipi saxlanacaq.Yeni Intel Centrino-nun əsasını Penryn ailəsindən olan 45-nm Core 2 Duo prosessorları təşkil edir. Bu istehsalat xəttinə Intel Core 2 Duo P8400 (2.26GHz), P8600 (2.40GHz), T9400 (2.53GHz) və T9600 (2.80GHz) daxildir. Həmin çiplərin hər biri 6 MB ikinci səviyyəli keş-yaddaşla və 1066-meqahersli sistem şini ilə təchiz olunublar.Cari ilin payızında Centrino 2 istehsalat xəttinə ilk 4-nüvəli Core 2 Extreme Processor 3,06 GHz mobil prosessorları əlavə olunacaq. Həmin prosessor «oyun həvəskarları üçün noutbuklar» və stolüstü personal kompüterdərin əvəz olunması üzrə geniş mobil həllər üçün nəzərdə tutulacaq. Bütün yeni prosessorlar cəmi 25 vat elektrik enerjisi istifadə edir. Qeyd edək ki, əvvəlki platformada bu göstərici 35 vat təşkil edirdi. Bundan əlavə elektrik enerjisinin qənaət olunması məqsədi ilə yeni platformada Intel Dynamic Acceleration və Deep Power Down texnologiyaları yerinə yetirilib.Centrino 2 WiFi və WiMax şəbəkələri üçün nəzərdə tutulmuş 2-diapazonlu ötürücülü EcoPack şəbəkə texnologiyasının dəstəyi ilə Intel GM45 Express çipseti bazasında yığılıb. Bununla yanaşı hazırda hətta ABŞ-da WiMax şəbəkələrinin yeni qurulmasını nəzərə alaraq birinci funksionallıq yaxın bir ildə çox güman ki fəaliyyət göstərməyəcək. Bundan əlavə yeni Centrino 2-də DDR2 əməliyyat yaddaşı daha qənaətli və sürətli DDR3-lə əvəz olunub, Cybersecurity yazır.