Internet provayderlərdə qiymət endirimi əksər müştərilərin tələbatlarına uyğun deyil

17-02-2009 / 12:43

Bildiyimiz kimi, Rabitə və İnformasiya Texnologiyaları nazirinin əmri ilə fevralın 1-dən İnternet qiymətləri dövlət provayderlərində 2,5 dəfə endirilib və AİF bu endirimi təqdirəlayiq sayıb.

Bu qərardan sonra Internet tariflərində provayderlərin əksəriyyəti endirimlər etməyə başladı. Lakin azsürətli İnternetdən istifadə edən əhali yenə də İnternetə çıxışı asanlıqla əldə edə bilmir.

Bunun səbəbi isə 128 kbit/s, 64 kbit/s sürətə uyğun xidmətlərin bir çox provayderlərdə olmamasıdır. Qiymətlərin enməsinə baxmayaraq,  aşağısürətli İnternet olmadığına görə, endirim o qədər də gözə çarpmır. Çünki əvvəl 128 kbit/s, 64 kbit/s sürət orta qiymətlə 30-40 manat idisə, endirimdən sonra bu qiymət 12-16 manat olmalı idi. Lakin görünür bu, provayderlərə o qədər də sərf etmir. Endirimdən sonra bu sürətlər ləğv olunmağa başlayıb. Əhali arasında bu tariflərə tələbatın  çox olmasına baxmayaraq, provayderlər yüksəksürətli İnternet təklif etməyə üstünlük verirlər.
 
AİF-in ekspertlərinin bildirdiyinə görə, bunun səbəbi provayderlərin ümumiyyətlə limitsiz genişzolaqlı İnternet təklif etmək üçün texniki imkanlarının məhdud olmasındadır. Ona görə də, aşağısürətli İnternet satmaq onlara sərf etmir və yüksək sürət satmaqla bu boşluğu aradan qaldırmaq istəyirlər.

AİF-in müşahidələrinə görə, həm dövlət provayderlərində - Aztelekom, Bakinternet, həm də bir sıra özəl provayerlərdə - Connect, Azeronline, Adanet və s. genişzolaqlı limitsiz İnternetin tarif paketlərində 128 kbit/s, 64 kbit/s sürətləri yoxdur.

Beləliklə, əhali aşağısürətli İnternet üçün  yenə də dial-up-a müraciət etməli olur və 90 %-dən çox İnternet istifadəçilərinin istifadə etdiyi dial-up xidmətində hələlik heç bir endirim müşahidə olunmayıb.

Endirim yalnız korporativ müştərilər, yüksəksürətli İnternet istifadəçiləri üçün əlverişli olub.

Xatırladaq ki, İnternet qiymətlərinin endirilməsindən sonrakı vəziyyətlə bağlı RİTN və AİF-in apardığı monitorinq davam edir.
 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.