Azərbaycan İnternet Forumunun açıqlaması

06-02-2009 / 11:52

Məlum olduğu kimi, RİTN tərəfindən dövlət provayderlərinin qiymətlərinin 1 fevral 2009-cu il tarixdən bir  neçə dəfə endiriləcəyi bildirilmişdir. Eyni zamanda özəl və Birgə müəssisə formasında fəaliyyət  göstərən provayderlərə də qiymətlərin endirilməsi ilə bağlı tövsiyələr edilmişdir.

Tarif Şurası və RİTN tərəfindən internet qiymətlərinin az  da olsa  endirilməsinə təsir  göstərən müxtəlif rabitə  xidmətlərinin tarifləri endirilmişdir.

AİF bildirir ki, bunadək RİTN və AIF  tərəfindən aparılan Monitorinqlərin nəticələri  qiymətlərin bir  neçə dəfə endirilməsi üçün ciddi əsasların olduğunu göstərmişdi.
Hazırda bu qurum tərəfindən İnternet  bazarında yaranmış vəziyyətin Monitorinqi aparılır və nəticələr yaxın zamanda ictimaiyyətə açıqlanacaq.

AIF-in məlumatına görə, endirimdən sonra ölkənin Internet  bazarında müsbət istiqamətdə müəyyən irəliləyişlər müşahidə olunur. Eyni zamanda AİF bildirir ki, qiymət  endirimi elan olunandan sonrakı vəziyyətin ilkin analizi İnternet  bazarında yaranmış vəziyyəti hələlik birmənalı olaraq dəyərləndirməyə imkan vermir. Qiymətləri ciddi olaraq endirənlərlə bərabər, bəzi provayderlər aşağı sürətli ADSL qoşulmaların qiymətlərində cüzi dəyişikliklərlə kifayətləniblər.
Qiymətləri hiss olunacaq qədər  endirən bəzi Provayderlər isə upload sürətini bir  neçə dəfə azaldıblar. Bir sıra provayderlər  istifadəçilərin  əvvəlki ödəmələrini saxlayaraq onların aldıqları sürəti 2 dəfə artırıblar. Hələlik bu sürətlərin keyfiyyətinin, konkret Provayderlər üzrə nə dərəcədə real olmasının araşdırılması istiqamətində AİF tərəfindən aparılan işlər başa çatmayıb.

AİF bildirir ki, endirimdən sonra ətraf ərazilərdə yaşayan istifadəçilər infrastruktur problemlərindən, köhnəlmiş xətlərin yüksək sürətli internetə  tab gətirmədiyindən İnternetdə normal fəaliyyət  qura bilməyiblər.
Dövlət provayderlərinə müraciətlərin sayı çoxaldığından , bu provayderlərdə ciddi texniki-texnoloji problemlər ucbatından istifadəçilərin qoşulma ilə  bağlı sifarişlərini vaxtında icra etmək mümkün olmayıb.
Qiymət  endirimindən dərhal sonra ölkənin əsas internet təchizatçısı olan Delta Telekom tərəfindən Provayderlərə təklif olunan  qiymətlərin daha 2  dəfə aşağı salınması elan edilib. Təəssüf ki, bu cür endirimdən sonra da hələlik  Provayderlərin təklif etdiyi qiymətlərdə bu endirimin nəticəsi öz əksini tapmayıb.
Ilkin müşahidələr  qonşu ölkələrdəki orta internet qiymətləri ilə müqayisədə, hələlik ölkədəki internet qiymətlərinin təxminən  10  dəfə baha olduğunu göstərir.

AİF qiymət  endirimindən sonrakı vəziyyətin RİTN  və İqtisadi İnkişaf Nazirliyi tərəfindən monitorinq olunmasını zəruri hesab edir.
AİF bir  daha  bildirir ki, hazırda internet  xidmətlərinin qiymətləri və keyfiyyəti ilə  bağlı Monitorinqi  davam etdirir  və nəticəsi yaxın müddətdə elan olunacaq.
 
AİF
492-44-44
www.cit.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.