Əslində Bakıda keçirilən Beynəlxalq Universitetlərarası Proqramlaşdırma Olimpiadasının (ICPC) 49-cu dünya finalın bütün iştirakçıları artıq qalibdirlər. Çünki universitet komandalarının üzvü olmaq və bu mərhələyə qədər gəlib çıxmaq onların dünyanın ən istedadlı gəncləri sırasında olduğunu göstərir. ICPC təkcə yarış deyil, həm də bir yol, bir təcrübədir. Bu proses iştirakçılara yeni biliklər, dostluqlar və gələcək uğurlar üçün möhkəm bünövrə qazandırır. Ən əsası əməkdaşlıq, dostluq və bu gün Bakıda qazandığınız imkanlardır”.
Xeberler.az məlumat verir ki, bu barədə İnnovasiya və Rəqəmsal İnkişaf Agentliyinin sədri Fərid Osmanov ICPC-nin 49-cu dünya finalının bağlanış mərasimində deyib.
F.Osmanov vurğulayıb ki, olimpiadanın Azərbaycanda keçirilməsi xüsusi önəm daşıyır. Onun sözlərinə görə, son illərdə Azərbaycanda rəqəmsal inkişaf, elektron xidmətlərin və müasir infrastrukturun qurulması istiqamətində mühüm addımlar atılıb.
Eyni zamanda F.Osmanov diqqətə çatdırıb ki, bütün bu nailiyyətlərin əsasında insan kapitalı dayanır. “Texnologiyanın və innovasiyanın mərkəzində məhz insan istedadı var. ICPC kimi yarışlar dünyanın ən parlaq beyinlərini bir araya gətirir və onların hər biri rəqəmsal gələcəyin qurucularıdır”, – deyə Fərid Osmanov əlavə ediblər.
