“JURNALİSTLƏRİN DOSTU” MÜKAFATININ TƏQDİMATI DEKABRIN 29-da “GÜLÜSTAN”da OLACAQ

28-12-2010 / 17:59

“RUH” Azərbaycan Jurnalistləri Müdafiə Komitəsinin 2010-cu il üzrə “Jurnalistlərin dostu” mükafatının təqdimatı dekabrın 29-da Bakının “Gülüstan” sarayında keçiriləcək.

Bunu KİV-in İnkişafına Dövlət Dəstəyi Fondunun icraçı direktoru Vüqar Səfərli deyib.

Onun sözlərinə görə, tədbir saat 18-də başlayacaq: “Qonaqlara dəvətnamələri göndərmişik. Dəvətnamələrin bir hissəsini fond, bir hissəsini Mətbuat Şurası, bir hissəsini isə Prezident Administrasiyası paylayıb. “Jurnalistlərin dostu” mükafatının təqdimetmə mərasimi tədbirin ilk hissəsində olacaq. Daha sonra fondun bu il keçirdiyi, fərdi jurnalist yazıları ilə bağlı sonuncu müsabiqənin qaliblərinin təqdimatı reallaşdırılacaq. Bu dəfə müsabiqənin 50-yə yaxın qalibi seçilib. Sonda isə tədbirin qeyri-rəsmi hissəsi başlayacaq”.

“RUH” Azərbaycan Jurnalistləri Müdafiə Komitəsinin yaydığı məlumata görə, “Jurnalistlərin dostu” mükafatının 2010-cu il üzrə sahibini müəyyənləşdirmək üçün keçirilən sorğuda prezident İlham Əliyev qalib gəlib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.