TƏDBİRLƏR

Noyabrın 10-da  Lənkəranda Azərbaycan Respublikasının Prezidenti yanında KİV-in İnkişafına Dövlət Dəstəyi Fondunun təşəbbüsü ilə “Fondun mətbuatın inkişafında rolu” mövzusunda konfrans keçirilib.
Qaynar.info-nun verdiyi xəbərə görə, tədbirdə cənub regionunda fəaliyyət göstərən KİV nümayəndələri, Lənkəran şəhər icra hakimiyyətinin başçısı Süleyman Mikayılov, KİV-in İnkişafına Dövlət Dəstyi Fondunun prezidenti Vüqar Səfərli, Mətbuat Şurasının sədri Əflatun Amaşov iştirak ediblər. Vüqar Səfərli  Fond fəaliyyətə başlayandan bəri  görülən işlər barədə məlumat verib.

Fondun rəhbəri vurğulayıb ki, qurum Mətbuat Şurası ilə sıx əməkdaşlıq edir və  “reket jurnalistlər”in təqdim etdikləri layihələrin Fond tərəfindən maliyələşdirilməsinə imkan verilməyəcək. “Qara siyahıya” düşən qəzetlər dekabr ayında elan edilmiş müsabiqəyə də buraxılmayacaqlar” deyə o vurğulayıb. V. Səfərov bildirib ki, KİV-in inkişafına Dövlət Dəstəyi Fondu yaxın gələcəkdə region mediasının layihələrdə iştirakını təmin edəcək.

Mətbuat Şurasının sədri Əflatun Amaşov  regionlarda KİV-lərin vəziyyinində problemlər olduğunu deyərək bildirib ki,  bölgə qəzetlərinin maddi-texniki vəziyyəti nikbinliyə əsas vermir. “Reket jurnalistikasının” KİV-iə zərbə olduğunu deyən Ə.Amaşov qeyd edib ki, yerlərdə bu bəlaya qarşı birgə mübarizə aparmaq lazımdır.  

 2010-cu ilin ortalarına qədər Lənkəranda  standartlara cavab verən mətbəə tiklilib istifadəyə veriləcək. Bu barədə Lənkəran şəhər icra hakimiyyətinin başçısı Süleyman Mikayılov KİVDF-nin Lənkəranda keçirdiyi konfransda yerli jrnalistlərə bildirib. Onun sözlərinə görə  tikiləcək mətbəənin yüksək texnologiyalar quraşdırılacaq və mətbəə egionda Kİv-in inkişafında əhəmiyyətli rol oynayacaq.

Qeyd edək ki, Cənub regionunda 20-dən artıq qəzet və jurnal çıxsa da onların nəşr olunması üçün mətbəə yoxdur. Bölgə qəzetləri çap edilmək üşün Bakıya aparılır və orada günlərlə vaxt iririlir. Bu isə çevik informasiya yaymaq baxımından bölgə KİV-ləri üçün xeyli problem yaradır.