RƏQƏMSAL DÜNYA

Məlumat verdiyimiz kimi, meyvə, tərəvəz, göyərti və digər kənd məhsullarının onlayn və telefon vasitəsi ilə satışını həyata keçirən Kendden.com onlayn satış və çatdırılma sistemi artıq fəaliyyətə başlayıb. 

 Xeberler.az  sistemlə maraqlanıb.

Hazırda saytda çalışan nümayəndlər məlumat verib ki, sifarişlərin çatdırılması gün ərzində müəyyən edilmiş vaxt aralıqlarında (sifariş verildikdən sonra 3 saatdan gec olmayan müddətə) həyata keçirilir.

Onların sözlərinə görə, müştərilər meyvə və tərəvəz məhsullarından əlavə, süd, pendir, qatıq, yumurta və kənd toyuğu kimi təbii və halal kənd məhsullarını rahatlıqla əldə edə bilərlər.

Qeydiyyatdan keçərək alış-veriş edən müştərilərə ilk sifarişdə 2 AZN miqdarında endirim kuponu təqdim edilir. Xidmət çərçivəsində kampaniyaların keçirilməsi, endirim kuponlarının paylanması və alış-verişdə bal sisteminin tətbiqi planlaşdırılır.

Kendden.com komandası , həmçinin sifarişlərin gecikməyəcəyinə zəmanət verir. Belə ki, əgər müştərinin sifarişi gecikərsə, növbəti sifarişdə müştəriyə təzminat olaraq 5 faiz endirim edilir.

Xidmət hazırda yalnız Bakı şəhəri ərazisində aktiv olsa da, gələcəkdə əhatə dairəsinin genişləndirilməsi planlaşdırılır. Sifarişlərinizi kendden.com veb səhifəsi vasitəsi ilə və ya 0124997100, 0505560003 nömrələrinə zəng edərək verə bilərsiniz.

Ruhəngiz Muradova