Dövlət orqanları və KİV arasında informasiya-kommunikasiya strategiyası hazırlanır

14-03-2009 / 13:35


Dövlət orqanları və KİV arasında informasiya-kommunikasiya strategiyası hazırlanır. Bu haqda məlumatı Azərbaycan Mətbuat Şurasının sədri Əflatun Amaşov açıqlayıb.

 O bildirib ki, ATƏT-in dəstəyi ilə hazırlanan strategiya Prezidentin İcra Aparatına təqdim olunub. Strategiyada rəsmi qurumların mətbuat xidmətlərinin KİV-lə iş bacarıqlarının yüksəldilməsi, dövlət orqanları - KİV münasibətlərinin tənzimlənməsi qaydaları göstərilib. Strategiyaya əsasən rəsmi qurumlar mətbuata informasiya verməkdən imtina etsələr, qanunla məsuliyyət daşıyacaqlar.

Ə. Amaşov aprel ayından məmurların mətbuata necə informasiya verməsinin monitorinqini aparacaqlarını da açıqlayıb: “Ümumi suallar hazırlanaraq müxtəlif qəzetlərin jurnalistləri adından ayrı-ayrı dövlət qurumlarına göndəriləcək. Bu suallara verilən cavablar əsasında dövlət qurumlarının mətbuatla necə işlədiyi müəyyənləşdiriləcək”. APA


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.