Korrupsiyaya qarşı mübarizəyə aid yeni sayt istifadəyə verildi

15-02-2011 / 22:21

Korrupsiyaya qarşı Mübarizə üzrə Komissiyanın dəstəyi ilə yeni sayt istifadəyə verilib.

Azərbaycan və ingilis dillərində fəaliyyət göstərən “rusum.az” portalında bütün xidmətlər üzrə dövlət tarifləri və digər məlumatlar yerləşdirilib.

Portalın yaradılmasından məqsəd şəffaflığın artırılması və korrupsiyaya qarşı mübarizəyə töhfə verməkdir. Saytda vətəndaşlara dövlət qurumları tərəfindən göstərilən xidmətlərə görə ödənilən rüsumlar və tariflər barədə məlumat veriləcəkdir.
Bütün rüsumlar və tariflər barədə ilk vahid informasiya mənbəyi olan saytda bundan əlavə, daha çox istifadə olunan sahələrdə müxtəlif kalkulyatorlar da təqdim edilmişdir. Vətəndaşlar səhifədəki vergi, pensiya, nəqliyyat vasitələri üçün texniki baxış və gömrük tarifləri kalkulyatorlarından istifadə etməklə, qanunla müəyyən edilmiş ödənişlərin məbləği barədə məlumat əldə edə bilərlər.
Saytda vətəndaşların dövlət orqanlarına müraciət etməsi üçün əlaqə ünvanları, telefonlar və elektron poçt ünvanları da əlavə olunub.

Səhifədə dövlət qurumlarının “qaynar xət”ləri, şəxsiyyət vəsiqəsinin alınması qaydası, kommunal xidmətlərin tarifləri və digər sahələrlə bağlı ətraflı məlumatlar yerləşdirilib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.