Ədliyyə Nazirliyi (http://www.justice.gov.az/) göstərilən elektron xidmətlərin siyahısını genişləndirib. Belə ki, bundan sonra nigaha daxil olmağı arzu edənlərin ZAQS-a müraciət etməyinə ehtiyac qalmayacaq.
Nikah kəsdirmək istəyənlər Vətəndaşlıq Vəziyyəti Aktlarının Qeydiyyatı orqanına elektron qaydada müraciət edə bilərlər. Ədliyyə Nazirliyinin məlumatına görə, nikah kəsdirmək istəyən şəxslər nazirliyin internet saytında (www.justice.gov.az) Elektron xidmətlər bölməsində elektron xidmətlər portalına daxil olmalıdırlar.
Bu portalda Vətəndaşlıq vəziyyəti bölməsinə girib nikah üçün elektron müraciəti doldurmalıdırlar.
Portal vasitəsilə vətəndaşlıq vəziyyəti orqanlarının dövlət qeydiyyatı ilə bağlı tələb olunan sənədlər, rüsumlar, qeydiyyat orqanlarının ünvanları, telefon nömrələri, qeydiyyat orqanlarına elektron qaydada qəbula yazılış, adların seçimi, adlar haqqında məlumat, ən populyar adlar və onların statistikası barədə məlumatlar da əldə edə bilərlər.
