TENDER

2012-ci il London Yay Olimpiadası olimpiadalar tarixində ən yüksək texnoloji tədbir olacaq. London Olmpiya Oyunlarının təşkilatçıları şəbəkə infrastrukturunun rəsmi təchizatçısı statusuna layiq görülmüş "Cisco" şirkəti tərəfindən dəstəklənəcək. 

2012-ci il Yay Olimpiadasının kommunikasiya struktrurunun yaradılması Cisco, Britiş Telekom və London Oyunlarının Təşkilat Komitəsi arasında sıx əməkdaşlığı tələb edəcək.

Şəbəkə infrastrukturunun rəsmi təchizatçısı kimi Cisco şirkəti Təşkilat Komitəsinə avadanlıq, proqram təminatı və Olimpiadanın kommunikasiya xidmətləri üzrə rəsmi tərəfdaşı olan “Britiş Telekom” şirkəti vasitəsilə mühəndis xidmətlərini təqdim edəcək. Nəticədə lokal və qlobal şəbəkələr, Wi-Fi şəbəkələri və telefon rabitəsi sistemləri quraşdırılacaq. Bütün bunlar Olimpiya Oyunlarının əsas şəbəkə həlli olacaq.

Şübhəsiz ki, 2012-ci il London Yay Olimpiya Oyunları idman tədbirlərinə baxmaq imkanını dəyişən və istənilən insana tədbirlərin gedişinə nəzarət etməyə və zəruri məlumatları (videoçarxlar, xəbərlər, nəticələr, statistik məlumatlar və s.) almağa imkan verən texnologiyaların nümayişi üçün mühüm məkan olacaq.

Xatırladaq ki, Pekində keçirilmiş Yay Olimpiya Oyunlarında (qeyd etmək lazımdır ki, Sidney və Afinada keçirilən oyunlarda da bu cür olmuşdur) Cisco şirkəti 31 idman kompleksi, Olimpiya şəhərciyi və beynəlxalq Olimpiya mətbuat mərkəzi kimi 68 inzibati obyekt, habelə tədbirə biletlərin satışı nöqtələri arasında məlumat mübadiləsini təmin edən bütün şəbəkə infrastrukturuna cavabdehlik daşıyırdı. Bundan əlavə, Cisco texnologiyaları NBC (En-Bi-Sii) teleşirkətinə 2008-ci il Yay Olimpiya Oyunlarını olduqca yüksək səviyyədə işıqlandırılmağa imkan verdi, və nəticədə ilk dəfə olaraq milyonlarla insanlar istənilən yerdən və istənilən zaman teleqəbuledicilərdən, kompüterlərdən və smartfonlardan tədbir haqqında məlumat əldə edə bildi.