Cisco TANDBERG şirkətini almaq üçün rəsmi təklif göndərdi

07-10-2009 / 15:15

Bu razılaşma Cisco şirkətinin birgə fəaliyyət üçün nəzərdə tutulmuş təkliflərini genişləndirəcək və müştərilərə bizneslərini dünya miqyasında dəyişməyə imkan verəcək
 
IKT Informasiya Merkezindən xeberler.az-a verilən məlumata əsasən Cisco şirkəti videokommunikasiyalar sahəsinin lideri, dünya sinifli videoterminal və infrastruktur şəbəkə həllərinin təchizatçısı, qərargahı Oslo (Norveç) və Nyu-York (ABŞ) şəhərlərində yerləşən TANDBERG şirkətini almaq üçün rəsmi təklifi göndərməyə imkan verən razılaşmanın imzalandığını bəyan etdi. Sözügedən razılaşmanın uğurla tamamlandığı təqdirdə Cisco birgə fəaliyyət üçün nəzərdə tutulmuş məhsullar portfelini genişləndirəcək və daha çox müştərilərə genişləndirilmiş həllər çeşidini təqdim edəcək ki, bu da həmin texnologiyanın dünya bazarında yayılmasını daha da sürətləndirəcək.


İmzalanmış razılaşmanın şərtlərinə əsasən Cisco şirtkəti ümumi qiyməti üç milyard ABŞ dolları təşkil edən TANDBERG şirkətinin dövriyyədə olan bütün səhmlərini alınmaq üçün tender təklifi göndərəcək. Sözügedən təklif TANDBERG şirkətinin direktorlar şurasında da yekdilliklə bəyənilmişdir.

Razılaşmanın 2010-cu təqvim ilinin birinci yarısında başa çatdırılacağı gözlənilir. Dəqiq vaxt isə ABŞ və digər ölkələrin tənzimləyici qurumlarında razılaşdırılma prosesi daxil olmaqla standart müqavilə şərtlərinin icra olunmasından asılı olacaq. Cisco şirkəti bu razılaşmanı GAAP qaydalarının nəzərə alınmaması şərtilə 2011-ci maliyyə ilinin gəlir hissəsinə daxil etmək niyyətindədir.

Videoterminal və şəbəkə infrastrukturu üçün nəzərdə tutulan ən yaxşı TANDBERG həlləri dünya sinifli arxitektura ilə, yəni Cisco-nun birgə fəaliyyət üçün nəzərdə tutulmuş arxitekturasılə inteqrasiya olunacaq. Nəticədə korporasiyalararası və multivendor uyğunluq imkanları genişləndiriləcək və bütün növ məhsulların (stolüstü qurğulardan başlayaraq istifadəçiləri virtual mühitə dalan çox-ekranlı TelePresence sistemlərinədək) istifadəsi asanlaşacaq.

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.