Milli İnternet Mükafatının nominantları seçilib

10-12-2014 / 15:33

Milli İnternet Mükafatı - Milli Net 2014 müsabiqəsində səsvermənin 1-ci mərhələsi başa çatıb. 

Xeberler.az-ın məlumatına görə, müsabiqəyə 14 Nominasiya üzrə təqdim edilən 322 saytdan qaydalara uyğun olan 272 sayt qəbul edilib və səsvermədə iştirak edib.

AİF-in dizayn, məzmun və texniki-texnoloji istiqamətlər üzrə formalaşdırdığı 15 nəfərlik müsabiqə komissiyası 1-ci mərhələdə saytların qiymətləndirməsini həyata keçirib.

Səsvermənin 1-ci mərhələsinin yekununda 14 nominasiya üzrə 272 sayt arasından ən yaxşılar olan  75 sayt nominant statusu alıb. Bu saytlar 2-ci mərhələdə mübarizəni davam etdirəcəklər.

Səsvermənin 2-ci mərhələsi dekabrın 10-da başlayacaq və 17-də başa çatacaq.  Bu mərhələdə münsiflər saytları  mövcud meyarlar üzrə daha dərindən araşdıraraq qiymətləndirəcək və verdikləri qiymətləri əsaslandıracaqlar.

Müsabiqə komissiyası dekabrın 19-a kimi nominantlar arasından hər nominasiya üzrə qalib saytları  müəyyən edəcək.

Milli İnternet Mükafatının ənənəvi yekun  təqdimat mərasiminin dekabrın 19-da keçirilməsi nəzərdə tutulub. Təşkilat komitəsi hazırda qaliblərin mükafatlandırılmasına hazırlıq işləri görür.

Müsabiqədə 14 nominasiyanın hər biri üzrə qalib gələnlərə Milli Net-in tuncdan hazırlanmış xüsusi mükafatı – hörümçək əks olunan buta təqdim olunacaq.

2-ci və 3-cü yerlərin qaliblərinə diplomlar təqdim olunacaq.

Nominantların tam siyahısı www.millinet.az -da yerləşdirilib.

 

Milli İnternet Mükafatına Rabitə və Yüksək Texnologiyalar Nazirliyi dəstək verir. Müsabiqənin baş sponsoru Azercell şirkətidir. Delta Telecom və BestCom şirkətləri də Milli İnternet Mükafatına dəstək verirlər.

 Mirvari Nəcəf


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.