Nar Mobile 3G+ xidmətlərini təqdim edir

12-11-2010 / 10:41

İndi Nar Mobile abunəçiləri Nar 3G+ xidməti çərçivəsində 3G+ USB modem vasitəsilə yüksək sürətli İnternetdən yararlanmaq, Mobil TV xidməti ilə telefonda televiziya verilişlərini canlı şəkildə izləmək və Video Zəng ilə görüntülü zənglər etmək imkanlarını əldə etdilər.

Nar Mobile abunəçiləri 3G+ USB modemin vasitəsi ilə Azərbaycan ərazisində 3G+ əhatə dairəsinə daxil olan bölgələrdə 3.6 Mb/s. qədər sürətlə İnternetdən yararlana biləcəklər. Nar 3G+⁺ xidmətindən istifadə etmək istəyən hər kəs cəmi 39 AZN-ə Nar 3G+ Modemi, DATA SIM Kartını və Nar Turbo-3 paketini (60 Mb trafik) birlikdə əldə edəcək. Üstəlik, abunəçilər 1 il ərzində Nar 3G+ Modemdən yararlanmaq üçün hər hansı Nar Turbo paketini aldıqda eynisini Nar Mobile-dan hədiyyə alacaq.

Bundan əlavə, Nar Mobile abunəçiləri Mobil TV xidməti vasitəsi ilə mobil telefonlarında idman oyunlarını, maraqlı verilişləri və sevimli televiziya seriallarını izləyə biləcəklər. 31 dekabr 2010 il tarixinədək bu xidmətdən istifadə üçün heç bir ödəniş tələb olunmur, o bütün Nar Mobile istifadəçiləri üçün pulsuzdur. Mobil TV xidməti vasitəsi ilə Az TV (Azərbaycan), ANS TV (Azərbaycan), Azad Azərbaycan (Azərbaycan), İctimai TV (Azərbaycan), Show TV (Türkiyə), ATV (Türkiyə), Kral TV (Türkiyə), Lig TV (Türkiyə), TNT (Rusiya) kimi kanalları mobil telefonda canlı rejimdə izləmək mümkündür.

Nar 3G+⁺ xidməti çərçivəsində abunəçilər Video Zəng etmək imkanından istifadə edə bilərlər. Bu xidmət vasitəsi ilə Nar Mobile abunəçiləri 31 dekabr 2010-cu il tarixinədək adi zəng qiymətinə eyni zamanda bir birini eşitmək və canlı şəkildə görmək imkanını əldə edir. Xidmət bütün Nar Mobile abunəçiləri üçün avtomatik olaraq aktivləşdirilmişdir. Video Zəng etmək üçün istifadəçinin mobil telefonu 3G+ şəbəkəsini dəstəkləməlidir.

Nar 3G+ xidməti haqqında ətraflı məlumat almaq üçün www.NarMobile.az İnternet səhifəsinə daxil olmaq kifayətdir.

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.