Netty 2012 qaliblərinin adları açıqlanıb
22-06-2012
16:33
İyunun 21-də Netty2012 Azərbaycan milli internet mükafatının təntənəli mükafatlandırma mərasimi keçirilib.
Netty akademikləri 15 nominasiya üzrə cari ilin ən yaxşı milli veb-saytlarının və layihələrinin adlarını açıqlayıblar.
“Dövlət saytı” nominasiyasında “Elektron hökumət” dövlət informasiya sistemi elektron xidmətlər portalı www.ehdis.az mükafata layiq görülüb.
İlin İT-hadisəsi “Nəqliyyatı intellektual idarəetmə layihəsi” və “Elektron hökümət informasiya sistemi” seçilib.
“İnformasiya texnologiyaların inkişafının zənginləşdirilməsi” nominasiyasında fizika-riyaziyyat elmləri namizədi, BDU dosenti, informatika üzrə respublika olimpiadasının münsiflər heyətinin sədri, 80-dən çox elmi iş, metodiki vəsait, kitab və dərsliklərin müəllifi, "Şöhrət" ordeni laureatı Ramin Mahmudzadə layiq görülüb.
Qaliblərin tam siyahısı ilə mükafatın www.netty.az saytında tanış olmaq mümkündür.
Netty mükafatı 2004-cü ildə təsis edilib, Rabitə və İnformasiya Texnologiyaları Nazirliyi mükafata rəsmi dəstək göstərir.
