Onlayn alış-veriş şirkəti Kaymu.az fəaliyyətini dayandırıb?

30-11-2015 / 14:35

Onlayn  alış-veriş  şirkəti  Kaymu.az-ın  fəaliyyətinin dayandırıldığı qeyd edilir. 

Bu barədə günlərdir sosial şəbəkələrdə müzakirələr davam edir.

Etibarlı mənbədən Xeberler.az-a daxil olan məlumata görə, Kaymu Asiya ölkələrində fəaliyyətini dayandırır.

Məlumata görə, Kaymu-nun Bakıdakı ofisi bağlanaraq şirkətin ofisi tamamilə boşaldılıb.

Əldə etdiyimiz məlumata görə, bəzi istifadəçilər Kaymu-da 2 min manat  dəyəri  olan kompüteri 300 manata alıblar.

Kaymu-nun Facebook səhifəsində noyabrın 12-də  xəbərdarlıq edilib ki, müəyyən səbəblərdən şirkət bölgələrə sifariş xidmətini dayandırıb.

Bu hadisələr də şirkətin fəaliyyətinin ölkəmizdə dayandırılmasını təsdiq edir.

Xeberler.az olaraq  məsələ ilə bağlı rəsmi məlumat əldə etmək  istədik.

Şirkətin öz rəsmi səhifəsində göstərilən ünvanlarla əlaqə saxladıq. Məlum oldu ki, bir müddət əvvəl aktiv olan nömrələr hazırda işləmir.

Saytda qeyd edilən şəhər nömrəsi ilə əlaqə saxladıq. Bildirildi ki, telefon borcu ilə əlaqəli olaraq  hazırda bu nömrə də bağlıdır.

Saytın  Facebook səhifəsində isə son yenilənmə noyabrın 17-də olub.

Qeyd edək ki, şirkətin bağlanmasına səbəb  son dövrlərdə yaranan böyük xərcləri qarşılaya bilməməsi göstərilir.

Kaymu.az-ın 30-a yaxın əməkdaşı var.

Məltəm Talıbzadə 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.