PAŞA Bank kartlarının balansı artıq Hesab.az-da

01-09-2021 / 15:40

Azərbaycanda onlayn ödəmələr sahəsində lider olan Hesab.az onlayn xidmətlər platforması ölkənin aparıcı banklarından biri PAŞA Bank ilə birgə yeni xidmət təqdim edib.

İstifadəçilərin rahatlığını təmin etmək və vaxtlarına qənaət etmək üçün müxtəlif ödənişləri bir arada cəmləşdirən Hesab.az, təqdim etdiyi xidmətlərin sayını artırmaqla fəaliyyət çevrəsini daim genişləndirir. Son vaxtlar ard-arda texnoloji yeniliklərə imza atan onlayn ödəniş platforması, istifadəçilərini daha bir yeni xidmət ilə sevindirib.

Belə ki, platformada PAŞA Bank müştərilərinə təhlükəsiz və operativ şəkildə kart hesablarını öyrənmək imkanı yaradılıb. İstifadəçilər artıq Hesab.az saytı, yaxud mobil tətbiqi üzərindən “Kartlarım/Hesablarım” bölməsində PAŞA Bank kartının məlumatlarını daxil etməklə balanslarını izləyə bilərlər.

Qeyd edək ki, bu xidmətdən yararlanan istifadəçilər PAŞA Bank kartının məlumatlarını yalnız bir dəfə daxil edəcək. Bununla da, kartın balansını öyrənmək üçün platformada çoxsaylı səhifələrdə müxtəlif əməliyyatlar icra etməyə ehtiyac qalmayacaq. Beləliklə, balans müvafiq bölmədə kart məlumatlarının alt hissəsində daima əks olunacaq və real vaxt rejimində izlənə biləcək.

Hesab.az - Azərbaycanda ən böyük onlayn ödəmələr şirkəti GoldenPay 2007-ci ilin iyul ayında yaradılıb. Şirkət texniki işlərin yekunlaşması, “Visa” və “MasterCard” beynəlxalq ödəniş sistemlərindən müvafiq sertifikatların alınmasından sonra 2008-ci ilin dekabr ayında fəaliyyətə başlayıb. 2011-ci ilin aprel ayında GoldenPay şirkəti Hesab.az - Azərbaycanın ən böyük onlayn xidmətlər platformasını yaradıb. Hesab.az-da müxtəlif kommunal, mobil, internet, bank kreditləri, onlayn sığorta və digər xidmətlərin alışı/ödənişi mümkündür.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.